هه‌موو كچ د ئێكه‌م ژڤان دا ڤان ره‌فتاران دكه‌ن

هه‌موو كچ د ئێكه‌م ژڤان دا ڤان ره‌فتاران دكه‌ن

وار – دهۆک :

كۆمه‌كا سه‌ره‌ده‌ریێن هه‌ڤپشك هه‌نه‌ كو پترییا كچان د ژڤانێن خوه‌ دا دگه‌ل خوه‌شتڤیێن خوه‌ ئه‌نجام دده‌ن و به‌رده‌وام ژى دوباره‌ دكه‌ن، بۆ وێ ئێكێ كو كوڕ د ژڤانان دا ژ ڤان سه‌ره‌ده‌رییان بگه‌هن، پێدڤییه‌ ڤان پێزانینێن ل خوارێ بخوینن:
1ــ دروستبوونا كێشه‌یێ دگه‌ل مێنۆیێ دا: گه‌له‌ك ژ كچان ده‌ما كو دگه‌ل خوه‌شتڤیێن خوه‌ دچن بۆ كافێتریا یان خوارنگه‌هه‌كێ، كێشه‌ دگه‌ل هه‌لبژارتنا خوارن ڤه‌خوارنێن د مێنۆیێ دا بۆ وان دروست دبن، گه‌له‌ك جاران ب تنێ تشتێن ساده‌ و كێم داخواز دكه‌ن و پاشان ژى ب برسى دمینن.
2ــ ده‌ركه‌ڤتن ب جوانترین شێوه‌: د ژڤانان دا كچ گرنگییه‌كا زێده‌ ب جلك و شێوازێ ده‌ركه‌ڤتنا ده‌ره‌كییا خوه‌ دده‌ن و بزاڤێ دكه‌ن ب جوانترین شێوه‌ ده‌ربكه‌ڤن و بالا خوه‌شتڤیێن خوه‌ رابكێشن.
3ــ گه‌له‌ك ب گومانن ژ وان تشتێن كو دبێژن، ژبه‌ركو د ژڤانان دا گه‌له‌ك ب هۆشیارى ڤه‌ مامه‌له‌یێ دگه‌ل وان ئاخڤتنان دكه‌ن كو ژ ده‌ڤێن وان ده‌ردچن، نه‌كو ئاخڤتنه‌كا شاش بكه‌ن و به‌رانبه‌رێ وان ب شاشى د وان بگه‌هن.
4ــ گه‌ڕان لدووڤ هوورده‌كارییان، د ژڤانان دا كچ گه‌له‌ك ب هوورى ل خوه‌شتڤیێن خوه‌ دنێڕن، بۆ وێ ئێكێ دا بزانن پرچا ششتییه‌، نینۆكێن خوه‌ چێكرینه‌، چاوا ئاخڤتنێ لسه‌ر خێزانا خوه‌ دكه‌ت، گه‌له‌ك باسێ دایكا خوه‌ دكه‌ت یان نه‌، هه‌موو ئه‌ڤ تشته‌ بۆ وێ ئێكێنه‌ داكو د هوورده‌كاریێن خوه‌شتڤیێن خوه‌ تێبگه‌هن.
5ــ بزاڤ كرن بۆ دووركه‌ڤتنێ ژ بێده‌نگیێ، كچ د ژڤانان دا بزاڤێ دكه‌ن بابه‌ته‌كى ڤه‌كه‌ن بۆ وێ ئێكێ كو ئاخڤتن لسه‌ر بهێته‌كرن، ژبه‌ركو ده‌ما كو ب بێده‌نگى دروونن، هه‌سته‌كێ نه‌خوه‌ش لده‌ف وان دروست دبیت، لدووڤ وێ ئێكی كو ته‌ماشه‌ى ده‌وروبه‌رێن خوه‌ دكه‌ن كو دئاخڤن، هه‌ست ب وێ ئێكێ دكه‌ن كو هه‌موو پێكڤه‌ گونجاینه‌ و ئه‌و نه‌شێن بابه‌ته‌كى بۆ ئاخڤتنێ ڤه‌كه‌ن.
6ــ كچ د ژڤانان دا لدووڤ ده‌مێن رۆمانسى دا دگه‌ڕن، داكو بزانن ئه‌و كه‌سێن كو د پاشه‌ڕۆژێ دا دێ بنه‌ هه‌ڤژینێن وان تا چه‌ند كه‌سێن رۆمانسینه‌ و ڤیانا خوه‌ بۆ ده‌ردبڕن.
7ــ ئاخڤتن دگه‌ل هه‌ڤالێن نێزیك، گه‌له‌ك جاران د ژڤانان دا كچ وه‌سا خوه‌ ده‌ردئێخن كو ب مۆبایلێ ڤه‌ مژوولن، د ده‌مه‌كى دا د بنه‌ڕه‌ت دا ئه‌و هوورده‌كاریێن ژڤانى دگه‌هیننه‌ هه‌ڤالێن خوه‌، هه‌تا گه‌له‌ك ژ وان دچنه‌ توالێتان و ل وێرێ په‌یوه‌ندیێ ب هه‌ڤالێن خوه‌ دكه‌ن و هوورده‌كارییان دگه‌هیننه‌ وان.
8ــ دیتنا هێجه‌تان، گه‌له‌ك ژ كچان بۆ وێ ئیكێ كو دووماهیێ ب ژڤانى بینن، هێجه‌تێن جۆراوجۆر دئینن داكو ل وێرێ بچن، بۆ نموونه‌ دێ ته‌له‌فۆن بۆ وان هێت و دێ بێژن هه‌ڤاله‌كا من نه‌خوه‌شه‌ و دڤێت ئه‌ز بچم، یان دایكا من ته‌له‌فۆن كر، له‌و دڤێت نوكه‌ بچم.
9ــ دره‌نگ گه‌هشتن، ب شێوه‌یه‌كێ گشتی كچ كێمه‌كێ دره‌نگتر ژ كاتێن دیاریكرى دچن بۆ ژڤانان، بۆ وێ ئێكی خوه‌شتڤیێن وان چاڤه‌رێى وان بن، نه‌كو ئه‌و به‌رى كوڕان بگه‌هنه‌ جهێ ژڤانى و چاڤه‌رێى خوه‌شتڤیێن خوه‌ بن.

بابه‌تێن ب ڤێ مژارێ ڤه‌ گرێدای