هه‌رێما كوردستانێ سه‌رساله‌كا ئارام ده‌رباز كر

هه‌رێما كوردستانێ سه‌رساله‌كا ئارام ده‌رباز كر

WAAR-دهۆك:

هه‌رێما كوردستانێ شڤێدی پێشوازی ل سالا 2019ێ كر و ل هه‌موو پارێزگه‌هـ و باژارێن وێ، خه‌لكی ئاهه‌نگێن سه‌رسالێ ب ئارامی گێران.
په‌یامنێرێن وار، ل هه‌ر یه‌ك ژ هه‌ولێر، سلێمانی و دهۆكێ دیاركرن، ئاهه‌نگ و رێوره‌سمێن پێشوازیكرنێ ل سالا نوو د سه‌قایه‌كێ ئارام دا ده‌رباز بوون، هێزێن ئێمناهیێ و سازیێن فه‌رمی ژی، پلان و رێكارێن پێدڤی ژبۆ شه‌ڤا سه‌رێ سالێ گرتبوونه‌ به‌ر.
هێمن سلێمان په‌یڤدارێ پۆلیسێن پارێزگه‌ها دهۆكێ بۆ وار دیاركر، چ بوویه‌رێن ب وی ئاوایی د ئاهه‌نگێن دهۆكێ دا روونه‌داینه‌ و گۆت: دهۆكێ شه‌ڤه‌كا ئارام ده‌رباز كر.
ل سلێمانیێ ژی، له‌میا ره‌سوول په‌یامنێرا وار دازانین، چه‌ندین حاله‌تێن برینداربوونێ ب یاریێن ئاگری هه‌بوون، ئاهه‌نگ ژی د سه‌قایه‌كێ ئارام دا هاتن كرن.
ل هه‌ولێرا پایته‌خت ژی، وه‌لاتییان ب یاریێن ئاگری و ئاهه‌نگان پێشوازییا سالا نوو كر، چ بوویه‌ر و ئالۆزیێن مه‌زن ژی نه‌هاتن‌ تۆماركرن.

 

بابه‌تێن ب ڤێ مژارێ ڤه‌ گرێدای