هه‌ده‌پێ راپۆرتا خوه‌ ل دۆر ره‌وشا باژارۆکێ جزیرێ به‌لاڤ کر

هه‌ده‌پێ راپۆرتا خوه‌ ل دۆر ره‌وشا باژارۆکێ جزیرێ به‌لاڤ کر

وار – دهوك :
هه‌ده‌پێ راپۆرتا خوه‌ ل دۆر ره‌وشا باژارۆکێ جزیرێ به‌لاڤ کر و داخوازا ژکارلادانا پارێزگارێ شرنه‌خێ کر.
پارتییا دیمۆکراتیک یا گه‌لان “هه‌ده‌پێ” راپۆرته‌کا پێنجی رووپه‌لی ده‌رباره‌ی ره‌وشا باژارۆکێ جزیرا بۆتان یێ سه‌ر ب پارێزگه‌ها شرنه‌خێ یا باکورێ کوردستانێ ڤه‌به‌لاڤ کر و د راپۆرتێ دا پارێزگارێ شرنه‌خێ وه‌ک سووچبارێ سه‌ره‌کی یێ کوشتنا وه‌لاتییان ل جزیرێ دیار کرییه‌و داخواز دوورخستنا وی ژ کارێ وی کرییه‌.
هه‌ده‌پێ د راپۆرتا خوه‌دا داخواز کر سووچبارێن سه‌ره‌کی یێن دۆسه‌یا دۆرپێچکرن و کوشتنا وه‌لاتییێن سڤیل ل جزیرێ د گه‌ل پارێزگارێ شرنه‌خێ دا بهێنه‌دادگه‌هکرن، ئه‌و ژی ب سووچا کۆمکوژی وان ل جزیرێ کری کو بیست و چوار وه‌لاتییێن سڤیل تێدا هاتبوونه‌کوشتن و چوار ژ وان زارۆک بوون و ژن و پیر ژی د ناڤ دا هه‌بوون.
راپۆرتا پارتییا دیمۆکراتیک یا گه‌لان سه‌ده‌ما دۆرپێچکرنا جزیرا بۆتان بۆ وی یه‌کێ ڤه‌گه‌راندییه‌کو ده‌وله‌ت خوازیارا شه‌ری یه‌و ژ به‌ر کو جزیرا بۆتان د دیرۆکا خوه‌دا سیمبۆلا خوه‌راگری و به‌رخوه‌دانێ بوویه‌، ئه‌و ژ بۆ وی شه‌رێ ده‌وله‌ت دخوازیت، هاتییه‌هه‌لبژارتن.
راپۆرتا هه‌ده‌پێ ل سه‌ر وێ دۆرپێچێ بوو یا کو هێزێن ئێمناهییا تورکییێ ژ چوار تا دوازده‌ی ئیلۆنێ ل سه‌ر جزیرا بۆتان سه‌پاندی، کو جزیر زێده‌تری هه‌شت رۆژان ژ ئالییێ سه‌ربازی و ته‌ڤ ئالییان ڤه‌ل ژێر وێ دۆرپێچێ و قه‌ده‌غه‌یا هاتوچوویێ مابوو و پشتی وێ ده‌مێ ژی چه‌ندین جاران دوباره‌بوویه‌.

بابه‌تێن ب ڤێ مژارێ ڤه‌ گرێدای