هندستان.. فیله‌كی هێرشی ماله‌كێ كر و زارۆیه‌ك كوشت

هندستان.. فیله‌كی هێرشی ماله‌كێ كر و زارۆیه‌ك كوشت

WAAR-دهۆك:

ل یه‌ك ژ گوندێن وه‌لاتێ هندستانێ، فیله‌كێ هار هێرشی ماله‌كێ كر و زارۆیه‌ك ب ل مبیسا خوه‌ هاڤێته‌ ده‌رێ و كوشت.
ل گوندێ ب ناڤێ مانداساهی ل سنۆرێ ویلایه‌تا ئۆدیشا یا هندستانێ، فیله‌كێ هار هێرشی ماله‌كێ كر كو ل وی ده‌می دایك و 3 زارۆیێن خوه‌ تێدا د نڤستی بوون، فیلی زارۆیه‌كا 7 سالی ب ناڤێ سینی مۆندا ب لمبیسا خوه‌ ژ سه‌ر جهێن وێ راكر و هاڤێته‌ ده‌رڤه‌ و پاش پێ لێ دانا و دجهـ دا گیانێ خوه‌ ژده‌ستدا.
د ده‌ما هێرشێ دا، فیلی دیوارێ مالێ ژی ب سه‌ر هه‌ردو زارۆیێن دی گانیچ و رانی دا ئینا و ب دژواری بریندار كرن.
پێگه‌هێ ده‌یلی مه‌یل ڤیدیۆیا بوویه‌رێ به‌لاڤكرییه‌ و دیاركرییه‌، هه‌ردو زارۆیێن بریندار نها ل نه‌خۆشخانێ نه‌ و ره‌وشا وان خرابه‌.

بابه‌تێن ب ڤێ مژارێ ڤه‌ گرێدای