هزاران گه‌نجێن كه‌ركووكێ گه‌هشتنه‌ سه‌نگه‌رێن پێشمه‌رگه‌ی

هزاران گه‌نجێن كه‌ركووكێ گه‌هشتنه‌ سه‌نگه‌رێن پێشمه‌رگه‌ی

WAAR-دهۆك:

دگه‌ل به‌لاڤبوونا نووچه‌یێ لڤینێن سوپایێ ئیراقێ و میلیشیاتێن شیعی ل باشوورێ كه‌ركووكێ، ب هزاران گه‌نج و خوه‌به‌خشێن باژێری گه‌هشتنه‌ سه‌نگه‌رێن پێشمه‌رگه‌ی و ژماره‌كا مه‌زن ژی ل جاده‌یان به‌لاڤبوون.
په‌یامنێرێ وار ل كه‌ركووكێ راگه‌هاند؛ شڤێدی پشتی سات 12، لڤینێن سوپایێ ئیراقێ و میلیشیاتێن شیعی ل سنۆرێ به‌شیر و تازه‌ ده‌ستپێكرن و نیازا وان هێرشكرنا سه‌ر سه‌نگه‌رێن پێشمه‌رگه‌ی بوو و دگه‌ل ئاماده‌باشییا ته‌ماما پێشمه‌رگه‌ی، خه‌لكێ كه‌ركووكێ ژی ب تایبه‌ت گه‌نجێن باژاری، ده‌ست دانه‌ چه‌كێن خوه‌ و ب هزاران گه‌نج گه‌هشتنه‌ سه‌نگه‌رێن شه‌ڕی و ژماره‌یه‌كا مه‌زن ژی، دناڤا كولان و جادده‌یێن باژاری دا، به‌لاڤبوون.
گۆت ژی: گه‌نجێن كه‌ركووكێ، ب چه‌كێن خوه‌یێن سڤك تا ئه‌ڤرۆ سپێدێ ل ناڤا باژاری دا مابوون و ئاماده‌ییا خوه‌ نیشانداینه‌، ل هه‌مبه‌ری هه‌ر هێزه‌كێ ب راوه‌ستن كو بخوازیت ئاسایشا باژاری تێكبده‌ت و هێرشی ده‌ڤه‌رێن وان بكه‌ت.
پێشتر ل ده‌مێ هێرشا تیرۆرستێن داعشێ ژی بۆ سه‌ر باژاری كه‌ركووكێ، ب هزاران گه‌نجێن باژێری ده‌ركه‌ڤتانه‌ سه‌ر جادده‌یان و مل ب ملێ هێزێن پێشمه‌رگه‌ی و ئاسایشێ، شه‌ڕ دژی داعشێ كرن و شكه‌ستن ب پلانا تیرۆرستان ئینابوو.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.