تاوانبارێ سەرەکی یێ ھێرشا ھەولێرێ و هاریكاره‌كێ وى هاتن گرتن

WAAR-دهۆك:

دژەتیرۆرا ھەرێما کوردستانێ گرتنا تاوانبارێ سەرەکی یێ ھێرشا ھەولێرێ و هاریكاره‌كێ وى راگەھاند.
ئه‌ڤرۆ ئێڤارى دژەتیرۆرا کوردستانێ د راگەھاندنەکێ دا گرتنا تاوانبار مەزلووم داغى پشتراست كر، كو تاوانبارێ سه‌ره‌كى یێ هێرشا هه‌ولێرێ بوو و دیار كر، پشتى دو رۆژان ژ به‌لاڤكرنا وێنەیێن وى، ب هاریكارییا ئاساییشا هه‌ولێرێ مەزلووم داغ هات گرتن.
پاشان د راگه‌هاندنه‌كا دى دا، دژەتیرۆرا کوردستانێ گرتنا تاوانبار محه‌مه‌د بیسكسز یێ ناسیار ب دژوار، مامه‌ند، یووسف، كو هاریكارێ تاوانبارێ سه‌ره‌‌كى یێ هێرشا هه‌ولێرێ مه‌زلووم داغى بوو راگه‌هاند.
ل دووڤ زانیارییێن پەیامنێرێ وار، کو ژ ژێدەرەکێ تایبەت وەرگرتینە، تاوانبار مەزلووم داغ ل گوندێ لوبنانی یێ باژارێ ھەولێرێ ھاتییە گرتن و نھا ژ ئالییێ جڤاتا ئاساییشا ھەرێما کوردستانێ ڤه‌ل ژێر لێکۆلینێ دایە.

بابه‌تێن ب ڤێ مژارێ ڤه‌ گرێدای