نەرینگەھا سووری: ھەسەدێ ھێزێن خوە ژ گرێ سپی ڤەکێشان

نەرینگەھا سووری: ھەسەدێ ھێزێن خوە ژ گرێ سپی ڤەکێشان

WAAR-دهۆك:

نەرینگەھا سووری یا مافێن مرۆڤی راگەھاند؛ ھێزێن سووریا دیمۆکرات ھەسەدێ خوە ژ دەڤەرا گرێ سپی ل سەر سنۆرێ تورکیا ڤەکێشا، وەکە ئێکەم گاڤ بۆ دروستکرنا دەڤەرا ئارام.
ل گۆری نەرینگەھا سووری یا مافێن مرۆڤی، ھێزێن سووریا دیمۆکرات ھەسەدێ وەکه‌ بەرھەڤی بۆ بجھئینانا پلانا دەڤەرا ئارام ل باکۆرێ رۆژھەلاتێ سووریێ، کارێ کولانا خەندەکان و بهێزكرنا بەرەیێ شەری ل دەردۆرێن باژارێ سەرێ کانیێ راوەستاندن و ھێزێن خوە ژ دەڤەرا گرێ سپی لسەر سنۆری تورکیا بۆ باژارێ رەقە ڤەکێشان.
نەرینگەھێ دیار کر، ل شوونا ھێزێن ھەسەدێ ھێزەکا ھەڤپەیمانییا نێڤدەولەتی ل جھێ وان بنەجھـ بوون.
ئەڤ پێشھاتە ل دەمەکی ھات بەری چەندین رۆژان تورکیا راگەھاندبوو؛ کو قوناغا دروستکرنا دەڤەرا ئارام ل باکۆری رۆژھەلاتێ سووریێ کەفتە د وارێ ب جھئینانێ دا و ژ بۆ وێ مەرەمێ دێ شاندەکا سەربازییا ئەمریکی سەرەدانا ئەنقەرە کەت.

بابه‌تێن ب ڤێ مژارێ ڤه‌ گرێدای