نەتەوەیێن ئێکگرتی توشی کێمیا پارەی بوویە

نەتەوەیێن ئێکگرتی توشی کێمیا پارەی بوویە

WAAR-دهۆك:

ئەمیندارێ گشتی یێ نەتەوەیێن ئێکگرتی راگەھاند؛ رێکخستنا نێڤدەولەتی توشی کێمیا دارایی بوویە و بەری داوییا ڤێ مەھێ یەدەگێ وان یێ دارایی دێ ب داوی ھێت.
ئەنتۆنیۆ گۆتیرێز راگەھاند؛ وەلاتێن ئەندام د نەتەوەیێن ئێکگرتی تا نھا تنێ 70% یا داھاتێ بودجەیا سالا 2019ێ دایە و ھوشداری دان کو ل داویا ڤێ مەھێ، یەدەگێ وان یێ دارای دێ داوی ھێت.
ھەروەھا گۆت: دبیت ژ بەر نەبوونا پارەیی کۆنفراس و کۆمبوونێن نەتەوەیێن ئێکگرتی بھێنە پاشخستن ھندەک خزمەتگوزاری و گەشتێن نێڤدەولەتی ژی کێم ببن تاکو چارەیەک بۆ کێشا پارەی بھێتە دیتن.
گۆتیرێز وەلاتێن ئەندام ب رەوشا دارایی یا نەتەوەیێن ئێکگرتی تۆمەتبار کرن، ژبەرکو ئەو وەلات مەزاختنین خوە نادەن یان درەنگ ددەن.

بابه‌تێن ب ڤێ مژارێ ڤه‌ گرێدای