نەتەوەیێن ئێکگرتی: تا داوییا سالا 2018ێ 70 ملیۆن ئاوارە و پەنابەر ھاتینە تۆمارکرن

نەتەوەیێن ئێکگرتی: تا داوییا سالا 2018ێ 70 ملیۆن ئاوارە و پەنابەر ھاتینە تۆمارکرن

WAAR-دهۆك:

نەتەوەیێن ئێکگرتی ئاشکەرا کر کو تا سالا 2018ێ حەفتێ ملیۆن ئاوارە و پەنابەر ھاتینە تۆمارکرن، لێ ھەژمارا راستەراست ژ حەفتێ ملیۆنان پترە.
کۆمسیۆنا پەنابەران یا سەر ب نەتەوەیێن ئێکگرتی ڤە د راپۆرتا خوە یا سالانە دا راگەھاند : تا داوییا سالا 2018ێ ھەژمارا ئاوارە و پەنابەرێن تۆمارکری ل جیھانێ گەھشتییە حەفتێ پۆینت ھەشت ملیۆن کەسان کو ھەژمارەکا پیڤانەیی یە، لێ ئەڤ تۆمارە نە راستەراست و درستن، ژ بەر کو پڕانییا پەنابەرێن ژبەر قەیرانا ڤەنزوێلا وەلات بجھـ ھێلایی، نەھاتینە تۆمارکرن.
کۆمسیۆنا پەنابەران دیار ژی کر؛ ل داوییا 2017ێ ھەژمارا ئاوارە و پەنابەران گەھشتبوو شێست و ھەشت پۆینت پێنج ملیۆن کەسان و سەدەمێن زێدەبوونا بەردەوام یا وان، ئاوارەبوونا بەردەوام یا ئەتیۆپییانە ژ بەر شەرێن ئتنی و رەڤینا خەلکێ ڤەنزوێلایە ژ قەیرانا ئابۆری و خوارنێ کو ھەژمارا پەنابەرێن ڤەنزێلی یێن سالا 2016ێ ب تنێ سێ پۆینت سێ ملیۆن کەسان دھێت تەخمینکرن.
د راپۆرتێ دا ھاتییە ژی: رێژەیا ئاوارە و پەنابەران ل سالا 2018ێ ب ھەڤبەرکرن د گەل بەری دەھـ سالان دا، شێست و پێنجی ژ سەدێ زێدە بوویە.

بابه‌تێن ب ڤێ مژارێ ڤه‌ گرێدای