نێچیرڤان بارزانی و سەرۆکا باژێرڤانییا پاریسێ کۆم بوون

نێچیرڤان بارزانی و سەرۆکا باژێرڤانییا پاریسێ کۆم بوون

WAAR-دهۆك:

د چارچووڤێ سەرەدانا خوە دا بۆ فرەنسا، ئەڤرۆ سەرۆکێ ھەرێما کوردستانێ ل گەل سەرۆکا باژێرڤانییا پاریسێ کۆم بوو و پەیوەندیێن ئابۆری و کلتووری گۆتوبێژ کرن.
نێچیرڤان بارزانی سەرۆکێ ھەرێما کوردستانێ کو ب سەرەدانەکا فەرمی ل فرەنسایە، ئەڤرۆ سەرەدانا باژێرڤانییا پاریسێ کر و ل گەل ئان ھیدالکو سەرۆکا باژێرڤانیێ پەیوەندیێن دوئالی بەحس کرن، تێدا سەرۆکا باژێرڤانییا پاریسێ سوپاسییا هێزێن پێشمه‌رگه‌ى كر بۆ ژناڤبرنا رێكخستنا داعشێ و راگەھاند: ل حەفتییا بھێت دێ رێککەفتنەک بۆ پێشڤەبرنا پەیوەندیێن ئابۆری و کلتووری د ناڤبەرا ھەولێر و پاریسێ دا ھێت ئێمزا کرن.
ژ ئالیێ خوەڤە سەرۆک نێچیرڤان بارزانی د تۆیتەکێ دا خوەشحالییا خوە ب وێ سەرەدانێ دیارکر و گۆت: د کۆمبوونا وان دا پەیوەندیێن ھەولێرێ و پاریسێ ھاتن گۆتوبێژ کرن.

بابه‌تێن ب ڤێ مژارێ ڤه‌ گرێدای