نێچیرڤان بارزانی و بالیۆزێ بیلارۆسیا كۆمبوون

نێچیرڤان بارزانی و بالیۆزێ بیلارۆسیا كۆمبوون

WAAR-دهۆك:

سه‌رۆكوه‌زیرێن هه‌رێما كوردستانێ ئه‌ڤرۆ دگه‌ل بالیۆزێ بیلارۆسیا ل ئیراقێ كۆمبوو و چه‌ندین بابه‌تێن گرنگ گۆتوبێژ كرن ژ وان باشبوونا په‌یوه‌ندیێن هه‌ولێر و به‌غدایێ.
نێچیرڤان بارزانی ئه‌ڤرۆ پێشوازی ل ئاندرێ سافینگ بالیۆزێ بیلارۆسیا ل ئیراقێ كر و پۆخته‌یه‌ك ل دۆر شه‌رێ دژی داعشێ و هاتنا وێ هه‌ژمارا زۆرا ئاواره‌یان بۆ هه‌رێمێ و قه‌یرانا دارایی یا وی ده‌می به‌حس كر، هه‌روه‌ها ره‌وشا نها یا هه‌رێما كوردستانێ.
بالیۆزێ بیلارۆسیا په‌سنا ئارامی و سه‌قامگیرییا هه‌رێما كوردستانێ كر و خواست په‌یوه‌ندیێن وان د وارێن ساخله‌می، گه‌شتوگوزار و په‌روه‌ردێ دا بهێن بهێز كرن وهه‌ردو ئالییان ژی به‌حسا باشبوونا په‌یوه‌ندیێن هه‌ولێر و به‌غدایێ كر.
سه‌رۆكێ وه‌زیران ئاماژه‌ ب ره‌وشا نها یا هه‌رێما كوردستانێ دا كو ژینگه‌هه‌كا گونجای بۆ هاتنا وه‌به‌رهێنه‌رێن بیانی هه‌یه‌ و گۆت: هه‌رێم دخوازیت باشترین په‌یوه‌ندییان دگه‌ل وه‌لاتێن ده‌ڤه‌رێ و جیهانێ ل سه‌ر بنه‌مایێ دۆستاتی وئاشتیێ ئاڤا بكه‌ت.
نێچیرڤان بارزانی و بالیۆزێ بیلارۆسیا، به‌حسا ره‌وشا رۆژهه‌لاتا ناڤین و داوی پێشهاتێن سیاسی ل هه‌رێما كوردستانێ ژی كرن.

بابه‌تێن ب ڤێ مژارێ ڤه‌ گرێدای