نێچیرڤان بارزانی: مرۆڤدۆستی و لێبوورین ل کوردستانێ کولتوورن

نێچیرڤان بارزانی: مرۆڤدۆستی و لێبوورین ل کوردستانێ کولتوورن

WAAR-دهۆك:

سەرۆکێ هەرێما کوردستانێ پیرۆزباهی ل سالڤەگەرا دامەزراندنا ئێکەتییا زانایێن ئۆلێ ئیسلامێ کر و راگەهاند: مرۆڤدۆستی و لێبوورین ل کوردستانێ کولتوورن.
سەرۆکهەرێم نێچیرڤان بارزانی د پەیامەکا پیرۆزباهییا سالڤەگەرا چل و نەهێ یا ئێکەتییا زانایێن ئۆلێ ئیسلامێ دا راگەهاند: ئێکەتییا زانایان رۆلەکێ گرنگ د پاراستنا بنەمایێن پێکڤەژیان و هەڤقەبوولکرنێ و هەروەسا رێگرییا گەشەکرنا هزرا توندرەو ل کوردستانێ دا هەبوویە.
دوپات ژی کر، کو دێ ب هەموو شییانێن خوە پشتەڤانییێ ل لێبوورین و ئاشتیخوازی و مرۆڤدۆستییێ، کو ژ کولتوورێ زەنگین یێ کوردستانێ نە، کەت، دا کو هەموو پێکهاتەیێن ئۆلی و نەتەوەیی یێن کوردستانێ پشکداری دروستکرنا جڤاکەکا ساخلەم ببن.

بابه‌تێن ب ڤێ مژارێ ڤه‌ گرێدای