نێچیرڤان بارزانی سۆزا خوە بجهئینا

کاروان سالح

د کۆنگرەیەکێ رۆژنامەڤانیدا نێچیرڤان بارزانی دا دیارکرن کو نەخۆشترین و مەزنترین بریار د ژیانا خوە دا دای یا پاشکەفتێ مووچەی بوو، ئەو خۆراگرییا خەلکێ کوردستانێ ل هەمبەر وێ قەیرانا مەزن کو گەلەک خەلک دەیندارکرییە جهێ سپاسیێیە و دێ بیتە دەلیڤە بۆ دوبارە ڤەگەریان بۆ ئاسایی بوونا رەوشا ئابوورییا وەلاتییان و کار دیسان وەکی پێش قەیرانێ زێدەبیت و ڤەگەرنە رەوشا جاران.
نێچیرڤان بارزانی زەلامێ رۆژێن دژوار و بەرتەنگ، ئەندازیارێ ئاڤەدانییێ سەرۆکێ داهاتییێ کوردستانێ تە دلێ هەژاران ب هەمی تەخ و چینێن وەلاتیڤە خۆشکر ب وێ بریارا نەمانا پاشکەفتێ مووچەی یا تە راگەهاندی، دانەرێ پروژێن مەزن یێن خزمەتکارێ کوردستانێ.
پاشکەفتێ مووچەی نەما، لڤێ مەهێ دێ مووچە بێی پاشکەفت هێتە دابەشکرن، ئەو سۆزا نێچیرڤان بارزانی دای بجھئینا ، ئەو بریارا وی دای ژبەر برینا مووچە و بودجا هەرێمێ بوو ژ لایێ عیراقێ ڤە ل وی دەمی داکو قەیران ل سەر وەلاتییان سڤکببیت و قەیران مەزنتر لێنەهێت، ئەو سەبر و تەحەملا خەلکێ هەرێمێ کری ب هەروە نەچوو نوکە کوردستان بسەرکەت ل سەر دوژمن و نەحەزێن خوە، ئەو نەخوشی و ئەزیەت بورین و دێ ل جهێ وان خوشی و کەیف بۆ وەلاتییان هێن، ئەو وەفادارییا وەلاتیێن هەرێمێ بۆ پاراستنا کیانێ مەبوو دیسان دەست ب دەست دێ ئاڤاکەین کوردستانێ .
ئەڤجا دڤێت خزمەتەکا مەزنتر و پتر بۆ وەلاتیێن هەرێمێ بهێتەکرن ژ بەر خوراگری و ڤیانا وان بۆ وەلاتی، ئەڤە چەندین سالن فەرمانبەرێن هەرێمێ ب مووچەکێ کێم و دلەکێ مەزن کاردکەن و بێی راوەستییان.
نەحەزێن کوردستانێ گەلەک پێکولکرن نافخوییا هەرێمێ تێکبدەن بەلێ یا وان ڤیای سەرنەگرت و بەروڤاژی یا وان ڤیای پتر خەلکێ مە بۆ پشتەڤانێ حکومەتا خوە، ژ ڤی دەمی و وێڤە دێ پتر خزمەت هێتەکرن و ئاڤاکرنا هەرێمێ ل هەمی لایەکیڤە دیسان دەستپێکەت .
ئەو قەیرانا بوری بۆ حکومەت و وەلاتیان دژوارترین وانە بوو چنکو کەسەک یێ دەستگرتی نەبوو هەر داهاتەکێ دهات وەسا دچوو، پتر دێ خەلک زانیت چاوا سەرەدەریێ لگەل وی داهاتیێ بۆ دهێت کەت، هەروەسان حکومەت پتر دێ چاکسازیێ و خزمەتێ کەت، گەلەک پرۆژەیێن بێ بنەما پارە بۆ هاتبونە خەرجکرن و نە پرۆژە جێبەجێ ببوو و نە پارە دیارمابوو ئەو مالێ حکومەتێ یێ بەری نها چەندین کەسێن حەرامخۆر دبر بەرزەدکر ل دەمێ قەیرانێ دیاربوو کانێ چەند یا پێدڤیە رێ ل هەمبەر گەندەل و خراپکاران بهێتە گرتن .
ئاڤاکرنا هەرێمێ دەستپێکر، رێ ل هەمبەر چاکسازیێ ڤەبوو، دەستپاکی و خزمەتکرن دێ هەرێمێ پێشئێخن، ئەڤە هەمی بۆ نێچیرڤان بارزانی و خوراگرییا وەلاتییان ڤەدگەریت، ل بەرتەنگیێ هەڤگرتی و بێهن فرەھ بوون لەو دێ بەرفرەهی هێت و ب خوشی و کەیف دێ وەلاتی ژیانا خوە بەنە سەر.

 

بابه‌تێن ب ڤێ مژارێ ڤه‌ گرێدای