نێچیرڤان بارزانی: رێككه‌فتنا هه‌رێم و رۆسنه‌فت ده‌ستپێكه‌كا نوویه‌ د بوارێ تێهنێ دا

نێچیرڤان بارزانی: رێككه‌فتنا هه‌رێم و رۆسنه‌فت ده‌ستپێكه‌كا نوویه‌ د بوارێ تێهنێ دا

WAAR-دهۆک:

سه‌رۆكوه‌زیرێن هه‌رێما كوردستانێ راگه‌هاند؛ رێككه‌ڤتنا بازرگانی و ئابووری یا حكومه‌تا هه‌رێمێ و كۆمپانییا رۆسنه‌فت، ده‌ستپێكه‌كا نوویه‌ د بوارێ تێهنێ و پێشڤه‌برنا په‌یوه‌ندیێن هه‌رێما كوردستانێ و رۆسیا دا.
نێچیرڤان بارزانی سه‌رۆكوه‌زیرێن هه‌رێما كوردستانێ، ل دۆر رێككه‌ڤتنا حكومه‌تا هه‌رێمێ و كۆمپانییا رۆسنه‌فت، تایبه‌ت بۆ مالپه‌رێ فه‌رمی یێ حكومه‌تا هه‌رێمێ ئاخفت و گۆت: ل گۆری رێككه‌ڤتنێ، رۆسنه‌فت دێ سه‌رما‌یێ خوه‌ ل هه‌رێمێ بكارئینیت و هاریكاربیت د بنیاتنانا ژێرخانا ئابووری یا هه‌رێمێ دا و ئه‌و ب هیڤی نه‌ كو ئه‌ڤه‌ ببیته‌ ده‌ستپێكه‌كا باش بۆ په‌یوه‌ندیێن ئابووری یێن درێژخایه‌ن.
سه‌رۆكوه‌زیری دا زانین: پشتی وان هه‌موو قه‌یرانێن هه‌رێم ڤه‌گرتی، ئه‌ڤ رێككه‌ڤتنه‌ دێ ئه‌گه‌ره‌كێ بهێزبیت بۆ ڤه‌گه‌ریانا باوه‌ریێ بۆ بازارێن هه‌رێما كوردستانێ و هیڤی خواست كو ئه‌ڤ رێككه‌ڤتنه‌ ببیته‌ ده‌ستپێكه‌ك بۆ رێككه‌ڤتنێن زێده‌تر د بیاڤێ تێهنێ و په‌ترۆلێ دا.

بابه‌تێن ب ڤێ مژارێ ڤه‌ گرێدای