نێچیرڤان بارزانی: بەرھەڤین کێشەیان ل گورەیی دەستووری چارە بکەین

نێچیرڤان بارزانی: بەرھەڤین کێشەیان ل گورەیی دەستووری چارە بکەین

WAAR-دهۆك:

نێچیرڤان بارزانی، سەرۆکێ ھەرێما کوردستانێ  ب سەرۆکاتییا شاندەکێ گەھشت بەغدا و ل گەل ھەر سێ سەرۆکاتیێن ئیراقێ کۆمبوو و راگەھاند؛ ھەرێم یا بەرھەڤە ھەموو کێشەیان ل گۆرەیی دەستووری چارە بکەت.
ل دووڤ راگەھاندنەکا سەرۆکاتیییا ھەرێما کوردستانێ، د دیدارا نێچیرڤان بارزانی ل گەل د. بەرھەم سالح سەرۆک کۆمارێ ئیراقێ تەکەزی ل چارەکرنا کێشەیان ل دووڤ دەستووری و بەرژەوەندیێن نشتیمکانی و گرنگییا بزاڤان بۆ چارەکرنا کێشەیێن دناڤبەرا ھەولێر و بەغدایێ، ھەروەسا سەرەدانا شاندا ھەرێمێ بۆ بەغدایێ بۆ پێشڤەبرنا پەیوەندییان ب گرنگ ھاتە زانین.
سەبارەت کۆمبوونا نێچیرڤان بارزانی و عادل عەبدولمەھدی سەرۆکوەزیرێ ئیراقێ ژی خوەیا کر: کو ھەردو ئالیان داکۆکی ل چارەکرنا کێشەیێن ھەلاویستی د ناڤبەرا ھەرێم و بەغدایێ دا ل گۆرەیی دەستووری کر، بریار ژی ھاتە دان دەست ب قۆناغەکا نوو یا دانوستاندنان بھێتە کرن و ل ھەفتییا بھێت لژنەیەکێ ھەڤپشک یا ھەردو ئالیان ل سەر ئەجێندایا گۆتوبێژ و پرسێن وەک ماددەیا سەد و چل و پەترۆل و بودجەیی و پێشمەرگە و کێشەیێن دی کۆم ببن.
نێچیرڤان بارزانی د سەرەدانا خوە دا بەرھەڤییا ھەرێما کوردستانێ بۆ چارەکرنا تەڤ کێشەیان ل گەل حکومەتا ئیراقێ ل گۆرەیی دەستووری نیشان دا.
سەرۆکاتییا ھەرێمێ ئاماژە دا: د چوارچووڤێ سەرەدانا خوە دا نێچیرڤان بارزانی ل گەل محەمەد حەلبووسی سەرۆکێ جڤاتا نوونەران کۆمبوو، ھەردو ئالیان پابەندییا حکومەتێن ھەولێر و بەغدایێ ل سەر پرسێن دارایی و پەترۆلێ و یاسای بودجە و چارەکرنا گشت کێشەیان گۆتوبێژ کر و نێچیرڤان بارزانی بەرھەڤییا ھەرێمێ بۆ پێشوازیکرنا لژنەیەکا پەرلەمانێ ئیراقێ بۆ ژنێزیک ھایداربوون ل سەر تەڤ دۆسەیێن پەترۆلا ھەرێما کوردستانێ نیشان دا.

بابه‌تێن ب ڤێ مژارێ ڤه‌ گرێدای