نێچیرڤان بارزانی ، کلیلا ڤەکرنا چەندین دەرگەھان

نێچیرڤان بارزانی ، کلیلا ڤەکرنا چەندین دەرگەھان

غیاس خالد زێباری

خیانەتا شازدێ ئکتۆبەرا دەسھەلاتدارێن ئێکەتیا نشتیمانی کوردستان ل سالا ٢٠١٧ ، دەمێ بووینە پشکەک ل ھێزێن داگیرکارێن ھەرێما کوردستانێ ، بۆ ڕاگرتنا کاروانێ پێشڤەبرنا دەسکەفت و ئەزمۆنا ھەرێما گوردستانێ و راپرسیا سەرخۆبوونا ھەرێمێ لسەر دەستێ پارتی دیموکراتی کوردستان و سەرۆک بارزانی .
لدەمێ ھێزێن داگیرکار یێ، حەشدا شەعبی یا عیراقی ب پشتەڤانیا پاسدارێن ئێران ، ھەمی شیانێن لەشکری و ئابووری بکارئینای بۆ ناڤبرنا ئەزمۆنا ھەرێما کوردستانێ و گرتنا دەرگەھێن دبلۆماسی و ئابووری و ئاسمانی و ئەردی ، بۆ گەمارۆدانا کوردستانێ .
د وان کاودانان دا دەڤێ خیانەتکار و داگیرکارا مینا گۆرگێن برسی بەش ببوو و مەزنترین شەھیانا وان بوو .
لێ سەرکردێ گەنج و ھیڤیا پاشەرۆژا کوردستانێ ، زەلامێ رۆژێن دژوار ، کاریزمایا خۆ بکار ئینا و لدەمەکێ ھەرە کێم دا ھیڤی و ئارمانجێن دوژمن و داگیرکارا ، کرنە خەون و خەیال .
سەرەدانا رێزدار نێچیرڤان بارزانی سەرۆکێ حکومەتا ھەرێما کوردستانێ بۆ فرەنسا و پێشوازیا ئیمانۆئیل ماکرۆن سەرۆکێ ئێک ل وەلاتێن زلھێزێن جیھانێ ل جەنابێ وی و دکۆمبوونەکا دوو قوولی دا .
رەنگە ھەرێما کوردستانێ لسەر نەخشێ جیھانێ پارچەیەکا بچیک بیت ، لێ سەرۆکێ حکومەتا ھەرێما کوردستانێ دڤێ سەرەدانێ دا ھەرێما کوردستانێ مینا وەلاتەکێ خودان سەروەری مەزن کر و دایە نیاسین ، ژبلی ھەلوەشاندنا پیلانێن حکومەتا وی دەمی عیراقێ بۆ گەمارۆدانا ھەرێمێ ژلایێ سیاسی و ئاسمانی و ئابووری و ب باوەریا خۆ ھەمی دەرگەھێن خۆاگری و پێشڤەبرنا ھەرێما کوردستانێ ب پۆلای گرتینە و تاکە رێکا لبەردەستێ ھەرێمێ مای ، خۆ رادەستکرنە ..!
لێ نێچیرڤان بارزانی بڤێ سەرەدانا کۆرت دا ، د چەند خۆلەکان دا ، نە تنێ ئەو دەرگەە ڤەکرن ، بەلکێ ھاتنە پەلخاندن و نەشێن جارەکادی پارچەیێن وان کۆم بکەن .
بەلێ نێچیرڤان بارزانی ، دڤێ سەرەدانێ دا خۆیاکر کۆ دبلۆماسیەتەکا مۆکۆم لسەر بنەمایێ پاراستنا بەرژەوەندێن کوردستانێ یێن نەتەوی و نشتیمانی ئاڤاکریە و دۆستێن دلسۆز و بھێز بۆ پشتەڤانیا مللەتێ کورد پەیدا کرینە ، کۆ ل بەرتەنگرترین کاودان دا پشتەڤانیا کوردستانێ بکەن ،
ژلایەکێ دیتر ئەڤ سەرەدانە بۆ فاکتەرێ پێداچوونەڤا ھژمارەکا وەلاتان ب ئاستێ پەیوەندێن خۆ دگەل ھەرێما کوردستانێ ، کۆ پشتی روودانێن خیانەتا شازدێ ئکتۆبەرێ سست و خاڤ بوون ،
دەربارەی حکومەتا عیراقێ ژی ئەڤ سەرەدانە مەزنترین دڕب بۆ دوان کاودانان دا ڤێ کەفتی ، چونکی سەرۆکێ وەلاتەکێ زلھێز ، داخازیا عیراقێ وەکی وەلاتەکێ خۆدان سەروەری و بەرژەوەند فەرامۆش کر و ھاتە بەرەیێ ھەرێما کوردستانێ کۆ ژلایێ یاسایی و دوستووری پشکەکە ل ھەمان وەلات ..! .
لسەر ئاستێ جڤاکێ کوردستانێ ژی ، ڤێ سەرەدانێ بەختەوەری و باوەری بۆ خەلکی زڤراند ، چونکی دوان کاودانان دا ، سازیێن راگەھاندنێ و تۆرێن جڤاکی یێن داگیرکارێن کوردستانێ و خیانەتکار و تابۆرێ پێنجی ، مێش دکرە گامێش و بەردەوام پەیامێن بێ ئۆمێشدکرنا خەلکێ کوردستانێ بەلاڤ دکرن و قەوارێ ھەرێما کوردستانێ ئینابوویە سەر ناڤچوونێ .
لێ سەرۆکێ حکومەتا ھەرێما کوردستانێ ، بڤێ سەرەدانێ و گاڤێن سەرکەفتیانە یێن پشتی وێ ، ھەمی دەرگەە ڤەکرن و جەنابێ وی بوویە کۆدا ڤەکرنا بەختەوەری و پاراستن و خۆراگریا خەلکێ کوردستانێ ، پشتی ڤان گاڤان ژی جەنابێ وی وەکی سەرکردەکێ ھەرە ژێھاتی و بلیمەت و کاریزما لسەر ئاستێ جیھانێ ھاتە نیشان و نەیاران ژی ئەڤ دانپێدانە کریە ..!
ئەڤ ھەلویستێ وەلاتێ فەرەنسا نەخاسمە سەرۆک ماکرۆن جھێ سۆپاسیێ رێزگرتنێ یە .
لدوومایێ دبێژین رێزدار نێچیرڤان بارزانی سەرۆکێ حکومەتا ھەرێما کوردستانێ کلیلا ڤەکرنا وان ھەمی دەرگەھانە ئەوێن دوژمن و داگیرکار بسەر کوردستانێ دگرن و بڤێ سەرەدانێ مەزنترین دەرگە ھاتە ڤەکرن .

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.