نێچیرڤان بارزانى: ژ وه‌لاتییان د خوازم د بانگه‌شێ دا ئێمناهیێ بپارێزن

نێچیرڤان بارزانى: ژ وه‌لاتییان د خوازم د بانگه‌شێ دا ئێمناهیێ بپارێزن

WAAR-دهۆك:

نێچیرڤان بارزانى، سه‌رۆكوه‌زیرێ هه‌رێما كوردستانێ د پرێسكۆنفرانسه‌كى دا جه‌ژنا چارشه‌مبا سۆر یا كوردێن ئێزدى پیرۆزكر و ده‌رباره‌یى هه‌لبژارتنان ژى، داخواز ژ وه‌لاتییان كر ئێمناهییا كوردستانێ ب پارێزن و بانگه‌شه‌ دوور بیت ژ توندوتویژیێ. سه‌رۆكوه‌زیر نێچیرڤان بارزانى راگه‌هاند، د كۆمبوونا ئه‌ڤرۆ دا باسێ خانیێن بێ تاپۆ و زێده‌گاڤى هاته‌ كرن و رێكارێن پێدڤى بۆ چاره‌كرنا وێ كێشێ هاتنه‌ ده‌رخستن.ژ ئالییه‌كێ دى ڤه‌ نێچیرڤان بارزانى راگه‌هاند؛ دانوستاندن د گه‌ل به‌غدا به‌رده‌وامن، لێ چو شاندێن هه‌رێما كوردستانێ د ڤان ده‌مان دا سه‌ره‌دانا به‌غدا ناكه‌ن.ل دۆر كێشه‌یا د مووچه‌یێ پاسه‌وانان ژى سه‌رۆكوه‌زیرى راگه‌هاند؛ كێشه‌یا وان دێ چاره‌ بیت و ئاشكراكر؛ قانوونا چاكسازیێ ژى بۆ په‌ڕله‌مانى هاتییه‌ ره‌وانه‌كرن و ب گاڤه‌كا گرنگ ژى بۆ چاكسازیێ ناڤكر و داخواز ژ په‌ڕله‌مانى كر ب زووترین ده‌م ده‌نگ ل سه‌ر بهێته‌ دان.ده‌رباره‌یى هه‌لوه‌ستێ هه‌رێمێ ل دۆر هێرشا ل سه‌ر سووریێ، بارزانیێ سه‌رۆكوه‌زیر گۆت؛ هه‌ر گاڤه‌كا ببیته‌ ئه‌گه‌ر چه‌كێ كیمایى نه‌هێته‌ بكارئینان، هه‌رێما كوردستانێ دێ پشته‌ڤانیێ لێ كه‌ت، ژبه‌ركو گه‌لێ كورد مه‌زنترین قوربانیێن بكارئینانا وى چه‌كى نه‌.د به‌رسڤا پرسه‌كا وار دا، سه‌رۆكێ حكومه‌تا هه‌رێما كوردستانێ ئاشكراكر؛ ره‌وشا داراییا هه‌رێمێ به‌ره‌وڤ باشیێ یه‌ و گاڤێن حكومه‌تێ ژى به‌ره‌ڤ پێشڤه‌نه‌ و نها هه‌رێما كوردستانێ ل سه‌ر هێله‌كا راست به‌ره‌ڤ پێشڤه‌ گاڤان د هاڤێت.هه‌روه‌سا ل دۆر په‌یوه‌ندیێن هه‌ولێر و ته‌هران ژى راگه‌هاند؛ په‌یوه‌ندی باشن و ب شێوه‌یه‌كێ گشتى ژى د گه‌ل وه‌لاتێن ره‌خودۆر ژى باشن.نێچیرڤان بارزانى، ل دۆر نه‌ پشكدارییا پارتى دیموكراتى كوردستان ل كه‌ركووكێ راگه‌هاند؛ رێك ب پارتى نه‌هاته‌ دان باره‌گه‌هێن خوه‌ ل كه‌ركووكێ هه‌بن و ئه‌ڤه‌ ژى ئێك ژ وان ئه‌گه‌ران بوو پارتى بایكۆتا هه‌لبژارتنان ل كه‌ركووكێ كر.ل دۆر ده‌ستپێكرنا گه‌شتان ژى ژ فرۆكخانه‌یا سلێمانیێ بۆ توركیا، نێچیرڤان بارزانى گۆت: ئه‌و د دانوستاندنان دانه‌ د گه‌ل ئه‌نقه‌ره‌ و گۆت: چو دانوستاندن ل دۆر ل دۆر ڤه‌گه‌راندنا هێزێن پێشمه‌رگه‌ی بۆ ده‌ڤه‌رێن كوردستانى د ناڤبه‌را هه‌رێم و ئیراق و ئه‌مریكا دا نینن‌.



بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.