نێچیرڤان بارزانى و سه‌رۆكاتییا په‌ڕله‌مانێ كوردستانێ كۆم بوون

نێچیرڤان بارزانى و سه‌رۆكاتییا په‌ڕله‌مانێ كوردستانێ كۆم بوون

WAAR-دهۆك:

سه‌رۆكێ هه‌رێما كوردستانێ و سه‌رۆكاتییا په‌ڕله‌مانێ كوردستانێ كۆم بوون و دوپاتى ل نڤیسینا ده‌ستووره‌كێ سه‌رده‌میانه‌ بۆ هه‌رێمێ و ده‌ربازكرنا پرۆژێ چاكسازییان كر.
ئه‌ڤرۆ ل هه‌ولێرێ، سه‌رۆك نێچیرڤان بارزانى و سه‌رۆكاتییا په‌رله‌مانێ كوردستانێ كۆم بوون و چه‌ندین پرسێن سیاسى و یاسایى یێن تایبه‌ت ب هه‌رێما كوردستانێ گۆتوبێژ كرن و هه‌ردو ئالییان بۆ ڤێ قۆناغێ، دوپاتى ل نڤیسینا ده‌ستووره‌كێ سه‌رده‌میانه‌ بۆ هه‌رێمێ كر، ب ره‌نگه‌كى رێز ل مافێ هه‌موو پێكهاته‌یێن ئۆلى و نه‌ته‌وه‌یى و بنه‌مایێن مافێ مرۆڤى و دیموكراسى بهێت گرتن.
هه‌روه‌ها هه‌ردو ئالی ل سه‌ر سه‌رخستنا پرۆژێ چاكسازییان و لادانا هه‌موو رێگرییێن د رێیا وى دا هه‌ڤرابوون.
د كۆمبوونێ دا، دوپاتى ل هه‌ماهه‌نگى و بهه‌ڤرا كاركرنا هه‌رسێ سه‌رۆكاتییێن هه‌رێما كوردستانێ كر، دا كو ل سه‌ر هه‌موو پێشهات و كێشه‌یان زالببن و ب هه‌ڤرا پشته‌ڤانێن دیالۆگا چاره‌كرنا هه‌موو كێشه‌یان بن.

 

بابه‌تێن ب ڤێ مژارێ ڤه‌ گرێدای