نێچیرڤان بارزانى: كوردستان و ئێزدى ژ ئێك ناهێن‌ جوداكرن

WAAR-دهۆك:

ژ ئالیێ خوه‌ڤه‌ سه‌رۆكێ هه‌رێما كوردستانێ، نێچیرڤان بارزانى، راگه‌هاند؛ ب درێژاهییا دیرۆكێ سته‌م و زۆرى ل كوردێن ئێزدى هاتییه‌كرن و هه‌رده‌م وان زمان و ئۆل و كلتۆرێ خوه‌ پاراستییه‌، گۆتژى؛ زێده‌بارى هه‌موو كاره‌ساتان ئێزدى بووینه‌ ژێده‌رێ پێكڤه‌ژیانێ.

هه‌روه‌سا نێچیرڤان بارزانى دوپاتكر؛ ئێزدى و كوردستان ژ ئێك ناهێنه‌ جوداكرن گۆتژى؛ ئه‌و جینۆسایدا ب سه‌رێ ئێزدییان هاتى د ڤى ده‌مى دا كێم وێنه‌یه‌.

سه‌رۆكێ هه‌رێما كوردستانێ هه‌ر د هه‌مان مه‌راسیم دا گۆتژى؛ ئارمانجا دوژمنان تێكدانا پێكڤه‌ژیانیێ بوو و دڤیان ئێزدى ئۆل و ئاخ و وه‌لاتێ خوه‌ بجهـ بهێلن، لێ دێ ب هه‌موو شیانان بزاڤێن مانا ئێزدییان كه‌ین.

 

ل دۆر ئه‌و قوربانیێن تا نها د ده‌ست تیرۆرستان ژى دا سه‌رۆكێ هه‌رێما كوردستانێ دوپاتى ل رزگاركرنا وان و گۆت: یا د شیاندا بیت بۆ رزگاركرن و دیاركرنا چاره‌نڤێسێ وان دێ هێته‌ كرن.

 

هه‌روه‌سا بریارا په‌ڕله‌مانێ كوردستانێ ژى یا ل دۆر ده‌ستنیشانكرنا رۆژا جینۆسایدا شنگالێ ب پێنگاڤه‌ك باش ناڤكر و راگه‌هاند؛ دڤێت ل سه‌ر ئاستێ ئیراق و جیهانێ ژى كار بۆ جینۆسایدكرنا شنگالێ بهێت كرن.

بابه‌تێن ب ڤێ مژارێ ڤه‌ گرێدای