نێچیرڤان بارزانى: كارەساتا شنگالێ مەزنترین تاوانا دژى مرۆڤاتییێ بوو

نێچیرڤان بارزانى: كارەساتا شنگالێ مەزنترین تاوانا دژى مرۆڤاتییێ بوو

WAAR-دهۆك:

سالڤه‌گه‌را پێنجێ یا جینۆسایدا ئێزدییان ئه‌ڤرۆ ل پارێزگه‌ها دهۆكێ  د رێوره‌سمه‌كا مه‌زن دا هات ل بیرئینان کۆ تێدا نێچیرڤان بارزانی سه‌رۆكێ هه‌رێما كوردستانێ گۆتاره‌ك خواند و تێدا داخواز ژ جڤاكا نێڤده‌وله‌تی كر كۆمكوژییا ئێزدییان ب جینۆساید ب ناسینیت گۆت ژی: دێ هه‌موو بزاڤان كه‌ین شنگال ببیته‌ پارێزگه‌هـ و ئێزدی بهێن قه‌ره‌بوو كرن.

نێچیرڤان بارزانى د گۆتارا خوە دا ئەو یەکە ژی راگەهاند کۆ: سه‌ره‌راى 74ێ فه‌رمانان ئێزدى ده‌ستبه‌ردارى ئۆل و نه‌ته‌وه‌یا خوه‌ نه‌بوون و ئێزدى ده‌ستبه‌ردارى كوردبوون و كوردستانێ نابن.

سه‌رۆكێ هه‌رێما كوردستانێ ئێزدى ل دۆر کوردبوونا ئێزدییان گۆت: ئێزدى و كوردستان ژێك جودا نابن و قه‌ول و سه‌به‌قێن ئێزدییان كوردستانیبوونا وان دوپات دكه‌ن.

نێچیرڤان بارزانى سه‌رۆكێ هه‌رێما كوردستانێ گۆت: ئێزدییان قۆربانییێن مه‌زن بۆ كوردستانێ داینه‌  و دێ هه‌ر هاریكاریه‌كێ بۆ كوردێن ئێزدى كه‌ین، باش د ژان و برینێن ئێزدییان دگه‌هین،

نێچیرڤان بارزانى: ئێزدییاتى ل كۆچبه‌رى و وه‌لاتێن بیانى ناهێت پاراستن و هه‌ر ژ رۆژێن ئێكێ یێن كاره‌ساتا ئێزدییان تا ئه‌ڤرۆ ژ نێزیك كار دكه‌ین.

سه‌رۆكێ هه‌رێمێ دیار کر؛ نڤیسینگه‌ها كاروبارێن ره‌ڤاندییان پترییا ئێزدییێن ره‌ڤاندى رزگاركرینه‌. نێچیرڤان بارزانى تەکەز ژی کر: كچ و ژنێن ره‌ڤاندى سیمبۆل و شه‌ره‌فا مه ‌نه‌.

نێچیرڤان بارزانى راگەهاند:پێدڤییه‌ حكومه‌تا ئیراقێ و جڤاكا نێڤده‌وله‌تى كار بۆ شنگال و خه‌لكێ وێ بكه‌ن، پێدڤییه‌ كاره‌ساتا شنگالێ ل سه‌ر ئاستێ نێڤده‌وله‌تى ب جینوساید بهێت ناساندن.

نێچیرڤان بارزانى دیار کر: هه‌ڤركییا گرۆپ و هێزێن نه‌شه‌رعى ل شنگالێ رێ ب ڤه‌گه‌ریانا خه‌لكى ناده‌ت. نێچیرڤان بارزانى دوپاتکر کۆ؛ شنگال پێدڤى ئاڤه‌دانكرن و سه‌قامگیرییێ یه‌ و نێچیرڤان بارزانى تەکەز کر: بزاڤێن پارێزگه‌هبوونا شنگالێ به‌رده‌وامن.

ل داویێ سه‌رۆكێ هه‌رێما كوردستانێ سوپاسییا هاریكارى و پشته‌ڤانییا خه‌لكێ دهۆكێ بۆ شنگالییان کر و راگەهاند: خه‌لكێ دهۆكێ ده‌رگه‌هێ مالێن خوه‌ بۆ شنگالییان ڤه‌ كر.

بابه‌تێن ب ڤێ مژارێ ڤه‌ گرێدای