نێچیرڤان بارزانى بانگەوازەك ئاراستەیى جڤاكا نێڤدەولەتى كر

نێچیرڤان بارزانى بانگەوازەك ئاراستەیى جڤاكا نێڤدەولەتى كر

WAAR-دهۆك:

سه‌رۆكوه‌زیرێن هه‌رێما كوردستانێ، بانگه‌وازه‌ك ئاراسته‌یى جڤاكا نێڤده‌وله‌تى كر و راگه‌هاند؛ عه‌بادى گه‌فا ده‌ستپێكرنا شه‌ڕى ل كوردستانێ كرییه ‌و به‌رپرسیارییا هه‌ر شه‌ڕه‌كى د ستۆیێ عه‌بادى دا یه.
نێچیرڤان بارزانى د وێ بانگه‌وازێ دا دیاركرییه‌ كو حه‌یده‌ر عه‌بادى سه‌رۆكوه‌زیرێن ئیراقێ و فه‌رماندارێ گشتى یێ هێزێن چه‌كدارێن ئیراقێ، ل هه‌فتییا بوورى د پرێس كۆنفرانسه‌كى دا، گه‌فا ده‌ستپێكرنا شه‌ڕى ل كوردستانێ كر و پشتى گه‌فا عه‌بادى، لڤینێن سوپایێ ئیراقێ و حه‌شدا شه‌عبى هه‌ر ژ مووسل تا كه‌ركووكێ ده‌ستپێكرن، له‌و به‌رپرسیارییا هه‌ر شه‌ڕه‌كى د ستۆیێ عه‌بادى دا یه.
سه‌رۆكوه‌زیرێن هه‌رێمێ داخواز ژ لێڤه‌گه‌رێ شیعه‌یێن ئیراقێ و وه‌لاتێن هه‌ڤپه‌یمان و جڤاكا نێڤده‌وله‌تى كرییه‌، خودان هه‌لوێست بن و نه‌هێلیت چ شه‌ڕ ل ده‌ڤه‌رێ رووبده‌ن، ژبه‌ركو چ كێشه‌ ب شه‌ڕ و ئالوزییان چاره‌ نابن و هه‌موو ده‌مان كوردستانێ دوپاتى ل دانوستاندنێن ئاشتیانه‌ كرییه و نها ژى كوردستان ئاماده‌یه‌ بۆ دانوستاندنان و هه‌رده‌م كوردستان په‌ناگه‌ها هزاران ئاواره‌ و ده‌ربه‌ده‌رێن شه‌ڕێ تائیفى یێ ئیراقێ بوویه‌و شه‌ڕێ دژى كوردستانێ دێ پێگه‌هێ داعشێ ل ده‌ڤه‌رێ بهێز ئێخیت.
ب گۆتنا بارزانیێ سه‌رۆكوه‌زیر، حكومه‌تا ئیراقێ دخوازیت ب هێرشێن سه‌ربازى ئارامییا كوردستانێ تێكبده‌ت و ده‌ڤه‌رێن كوردستانى داگیربكه‌ت، وان ده‌ڤه‌رێن كو پشتى شكه‌ستنا سوپایێ ئیراقێ ل سالا 2014، هێزێن پێشمه‌رگه‌ى بخوینا خوه‌رزگاركرین و ئارامى و سه‌قامگیرى لێ په‌یداكرین.
نێچیرڤان بارزانى داخواز ژ هه‌موو هێز و ئالییێن سیاسى یێن كوردستانێ كر، یه‌كهه‌لوێست بن و ب هه‌ڤڕا به‌رگریێ ژ كوردستانێ بكه‌ن و ژ پێكهاته‌یێن كوردستانێ ژى خواست، هاریكارێن پێشمه‌رگه‌ى بن داكو ده‌ڤه‌رێن وان ژى وه‌كو مووسل و باژارێن دى یێن ئیراقێ وێران نه‌بن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.