نێچیرڤان بارزانى: باشتربوونا ره‌وشا ئابۆرى ده‌ست پێ كر ڤه‌

WAAR-دهۆك:

نێچیرڤان بارزانى، سه‌رۆكێ حكومه‌تا هه‌رێما كوردستانێ د په‌یامه‌كێ دا جه‌ژنا نه‌ورۆزێ ل هه‌موو گه‌لێ كورد پیرۆز كر و وه‌لاتى ژى پشتراست كرن كو ره‌وشا ئابۆرى یا هه‌رێمێ دێ باش بیت و دوپات كر شه‌ڕێ داعشێ و ئاواره‌بوونا خه‌لكى و كێمبوونا داهاتى، ب ئه‌گه‌را بڕینا بودجه‌یا هه‌رێمێ، چه‌ندین كێشه ‌و توندكارى د ناڤا خه‌لكى دا په‌یدا کربوون، لێ دوپات كر دڤێت ئه‌ڤ ره‌فتارە ‌نه‌مینن.

هه‌روه‌سا دوپات كر؛ شه‌ڕێ به‌ره‌ڤانیكرنێ ل هه‌مبه‌ر دڕه‌نده‌یێن داعشێ سه‌ركه‌فتیانه ‌ب داوى هات و باشتربوونا ره‌وشا ئابۆرى ژى ده‌ست پێ كرییه‌ و داخواز ژ دایک و بابان كر به‌رامبه‌ر زارۆیێن خوه‌ نه‌رم بن و ژ هه‌موو ئالی و سازییان خواست بۆ باشییێ ده‌ست ب كارى بكه‌ن.

هه‌روه‌سا جه‌ژن ل مالباتێن شه‌هیدان و خو‌دان پێدڤیێن تایبه‌ت و بریندارێن شه‌رێ داعشێ و هه‌موو خوشك و برایێن ئێزدى و هه‌موو پێكهاته‌یێن دى كر و خوه‌شی بۆ هه‌موو ئالییان خواست.

نیچیرڤان بارزانى گه‌لێ ئیراقێ ژى ب برا بناڤ كر و راگه‌هاند؛ ده‌ستوورى ئه‌ڤ بریاره ‌دایه ‌و داخواز كر حكومه‌تا ئیراقێ هاریكار بیت د برایه‌تییێ دا.

نێچیرڤان بارزانى، سه‌رۆكێ حكومه‌تا هه‌رێما كوردستانێ د په‌یامه‌كێ دا جه‌ژنا نه‌ورۆزێ ل هه‌موو گه‌لێ كورد پیرۆز كر

بابه‌تێن ب ڤێ مژارێ ڤه‌ گرێدای