نێزیكى هه‌شت سه‌د ژنێن تركومان د ده‌ستێ داعشێدانه‌

نێزیكى هه‌شت سه‌د ژنێن تركومان د ده‌ستێ داعشێدانه‌

وار – دهۆک :

به‌ره‌یێ تركومانى ل ئیراقێ راگه‌هاند رێكخراوا تیرۆرستییا داعشێ د هێرشا سه‌ر باژێڕێ ته‌له‌عفه‌ر دا هه‌شت سه‌د ژنێن تركومان ره‌ڤاندینه‌ و نها بازرگانى پێ دهێته‌ كرن.
په‌یڤدارێ به‌ره‌یێ تركومانى عه‌لى مه‌هدى ب نڤیساره‌كێ راگه‌هاند به‌رى نێزیكى ساله‌كێ ده‌ما تیرۆرستێن داعشێ ده‌ستێ خوه‌ دانایه‌ سه‌ر باژێرێ ته‌له‌عفر هه‌شت سه‌د كچ و ژنێن تركومان ژلایێ داعشێڤه‌ هاتنه‌ گرتن و ڤه‌گوهاستن بۆ باژێرێ ره‌قایێ كو نها بازرگانى پێ دهێته‌ كرن و دهێنه‌ كڕین و فرۆتن.
مه‌هدى گۆت ژى هه‌تا نها بتنێ هه‌شت ژنێن تركومان شیاینه‌ خوه‌ رزگار بكه‌ن و چو ئالییه‌كى خوه‌ ل پرسا ژنێن تركومان یێن د ده‌ستێ داعشێ دا نه‌كرییه‌ خودان و چو بزاڤ نه‌هاتینه‌ كرن بۆ رزگاركرنا وان.

بابه‌تێن ب ڤێ مژارێ ڤه‌ گرێدای