نیۆیۆرک.. کارەب ژ تاخێ مانهاتن هاتە بڕین

نیۆیۆرک.. کارەب ژ تاخێ مانهاتن هاتە بڕین

WAAR-دهۆك:

ووزەیا کارەبێ شڤێدی ژ پشکەکا باژێڕێ نیۆیۆرک یێ ئەمریکی هاتە بڕین و تایمز سکوێر بۆ دەمەکی تاڕی ما.
کۆمپانییا ووزەیا کارەبێ ددەتە باژێڕێ نیۆیۆرک، شڤێدی تووشی هندەک کێشەیان بوو و ژ ئەگەرێ وان کێشەیان، ووزەیا کارەبێ ژ تاخێ مانهاتن و مەیدانا تایمز یا بەرنیاس و ژمارەکا وەستگەهێن میترۆیان و بالەخانەیان هاتە بڕین و ل گۆری پشکا ئاگرڤەمراندنێ یا باژێڕێ نیۆیۆرک، ووزەیا کارەبێ ژ 44 هزار بکاربەران هاتبوو بڕین.
کۆمپانییا ووزەیا کارەبێ ددەتە نیۆیۆرک، د تویتەکێ دا راگەهاند، کارەب ژ ئەگەرێ پەقینا ئامیرەکی ل کۆمپانیێ چێببوو و پشتی دەمەکێ کێم، ووزەیا کارەبێ بۆ پڕانییا دەڤەران هاتە دان ڤە.
ل سالا 1977 و د رۆژەکا وەک دوهی دا، ب هەمان رەنگ کارەب ژ نیۆیۆرک هاتبوو بڕین و ل وی دەمی، نەبوونا کارەبێ ببوو ئەگەرێ دروستبوونا ئالۆزییان و چەندین تاوانێن دزیکرن و خرابکرن و تێکدانا مولکێن تایبەت و گشتی روودابوون.

بابه‌تێن ب ڤێ مژارێ ڤه‌ گرێدای