نیۆیۆرک تایمز: یا تورکیا ڤیایی ب دەستخست

نیۆیۆرک تایمز: یا تورکیا ڤیایی ب دەستخست

WAAR-دهۆك:

رۆژنامەیەکا ئەمریکی رێککەفتنا د ناڤبەرا تورکیا و ئەمریکا دا لدۆر رۆژئاڤایێ کوردستانێ ب سەرکەفتنا ئەردۆگانی ھەژمارت و دیارکر: ئەڤە دوەمین جارە ئەردۆگان ژ ئاستێ ترامپی کێم دکەت و یا ڤیایی شیا ب دەستبێخیت.
لگۆر رۆژنامەیا نیۆیۆرک تایمز یا ئەمریکی، ژ رێککەفتنا د ناڤبەرا ئەمریکا و تورکیا دا لدۆر رۆژئاڤایێ کوردستانێ وەھا دیار دبیت کو سوپایێ تورکیا ب چ شێوەیەکی خوە ژ دەڤەرا ئارام ناڤەکێشیت و ئەو بخوە دێ دەڤەرێ ب رێڤەبەت، دێ 3 ملیۆن ئاوارەیێن سووری لێ خوەجھکەت.
دیار ژی کر: رێککەفتن سەرکەفتنە بۆ تورکیا، ژ بەرکو یا ئەردۆگانی ڤیایی ب دەستخست و شیا خوە ژ سزایێن ئەمریکا ژی بپارێزیت، لەورا ئەردۆگان سەرکەفتی ژێ دەرکەفت.
وێ رۆژنامەیا ئەمریکی زێدەتر بەلاڤکر: ئەڤە دوەمین جارە ئەردۆگان ژ ئاستێ ترامپی دئینیتە خوار، جارا ئێکێ دەمێ نامەیا وی دراندی و ھاڤێتییە د زبلدانێ دا و جارا دویێ ژی دەمێ رێککەفتن لدووڤ حەزا خوە بجھئینایی.

بابه‌تێن ب ڤێ مژارێ ڤه‌ گرێدای