نۆشدارەکێ کورد ب کارێ خوە یێ مرۆڤاتی هات خەلاتکرن

نۆشدارەکێ کورد ب کارێ خوە یێ مرۆڤاتی هات خەلاتکرن

WAAR-دهۆك:

ل ئەرمەنستانێ نۆشدارەکێ کورد ب کارێ خوە یێ مرۆڤاتی و هاریکارییا رزگاربوویێن ژ دەست داعشێ هاتە خەلاتکرن.
خەلاتێ ئۆیرۆرا یێ ئەڤسالە ل ئێریڤانا پایتەختێ ئەرمەنستانێ، ب نۆشدارێ کوردێ ئێزدی، د میرزا دینایی هاتە دان، ئەو ژی ژ بەر کارێ وی یێ بەردەوام ل گەل رێکخستنا ئەلمانی یا مافێن مرۆڤی، لووفتبروکێ و هاریکارییا وی بۆ رزگاربوویێن ژ دەست داعشێ یێن ئیراق و سوورییێ.
ژییێ د. میرزا دینایی، چل و شەش سالە و ژدایکبووییێ شنگالێ یە و ل گۆرەی دەستەیا هەلبژارتنا بەربژارێن خەلاتی، د گەلەک کارێن خوە دا ژیانا خوە خستییە د مەترسییێ دا، پێخەمت پاراستنا ژیانا کەسێن دی و ب ڤی رەنگی خوە ژ هەژی خەلاتێ ئۆیرۆرا و دیارییا ئێک ملیۆن دۆلاران ژ بۆ کارێن نوو یێن خێرخوازییێ کریە.

بابه‌تێن ب ڤێ مژارێ ڤه‌ گرێدای