نڤیسەرەکا تورک: پێدڤی ناکەت تورکیا ژ سەرخوەبوونا کوردستانێ بترسیت

نڤیسەرەکا تورک: پێدڤی ناکەت تورکیا ژ سەرخوەبوونا کوردستانێ بترسیت

WAAR-دهۆك:

رۆژنامەڤانەکا نێزیک پارتییا داد و گەشەپێدان ئاکەپێ یا دەستھەلاتدار ل تورکیا راگەھاند؛ نابیت تورکیا وەکو دوژمن ل کوردستانێ بنێریت.
ناگەھان ئالچی، رۆژنامەڤانەکا نێزیک پارتیا سەرۆککۆمارێ تورکیا ئاکەپێ یە، د بەرنامەیەکێ تێلەڤزیۆنا خەبەر تورک دا راگەھاند؛ دژاتیکرنا تورکیا بۆ کوردستانێ و پرۆسەیا رێفراندۆمێ کارەکێ شاشە.
ناگەھان ئالی راگەھاند؛ پێدڤی ناکەت تورکیا ژ سەرخوەبوونا کوردستانێ بترسیت و کوردستانێ وەکو دوژمنێ خوە ببینیت، ژبەرکو پەیوەندییێن ھەولێرێ و ئەنقەرە د بەرژەوەندا ھەردو ئالییان دانە.
ئالچی ئاشکرا ژی کر؛ نابیت بەرپرسێن تورکیا ناڤێ ھەرێما کوردستانێ ب باکۆرێ ئیراقێ ب ناڤ بینن و راگەھاند؛ نابیت تورکیا شاشیێن بەرێ دوبارە بکەت و مەسعوود بارزانی، سەرۆکێ ھەرێما کوردستانێ ب ئێکجاری ژ خوە دوور بکەت.
پشتی رێفراندۆما سەرخوەبوونا کوردستانێ پتریا بەرپرسێن تورکیا داخویانیێن توند ھمبەری گەلێ ھەرێما کوردستانێ دان، سەرۆککۆمارێ تورکیا ژی بەردەوام گەفێن گرتنا سنۆران دکەت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.