نڤیسینگه‌ها رزگاركرنا ره‌ڤاندییێن ئێزدى ل هندستانێ هات خه‌لاتكرن

نڤیسینگه‌ها رزگاركرنا ره‌ڤاندییێن ئێزدى ل هندستانێ هات خه‌لاتكرن

WAAR-دهۆك:

ل پایته‌ختێ هندستانێ نڤیسینگه‌ها رزگاركرنا ره‌ڤاندییێن ئێزدى هات خه‌لاتكرن و كچه‌ كورده‌كا ئێزدى خه‌لاتێ دایكا تێرێزا وه‌رگرت.
هلكه‌ت ئیبراهیم، هنارتییێ وار ل هندستانێ راگه‌هاند: ئه‌ڤرۆ ئێڤارى خه‌لاتێ دایكا تێرێزا ل مومباى یا پایته‌ختێ هندستانێ ب سه‌ر ده‌هـ سازى و كه‌سایه‌تییێن جیهانى دا هات به‌لاڤكرن و نڤیسینگه‌ها رزگاركرنا ره‌ڤاندییێن ئێزدى ژى كو ب سه‌ر نڤیسینگه‌ها تایبه‌ت یا سه‌رۆك نێچیرڤان بارزانى ڤه ‌یه‌، خه‌لات وه‌رگرت.
گۆت ژى: ئیمان عه‌بدولا، كچه‌ كوردا ئێزدى یا ژ ده‌ستێ داعشێ هاتییه‌ رزگاركرن، خه‌لاتێ دایكا تێرێزا یێ نڤیسینگه‌ها رزگاركرنا ره‌ڤاندییان وه‌رگرت و د گۆتاره‌كێ دا سوپاسییا بزاڤێن سه‌رۆك نێچیرڤان بارزانى یێن رزگاركرنا ره‌ڤاندییان كر.
خه‌لاتێ دایكا تێرێزا هه‌ر ژ سالا دوهزار و پێنجێ تا نها سالانه‌ ب ده‌هـ سازى و كه‌سایه‌تییێن جیهانى دهێته‌دان و پار ژى دو كوردێن ئێزدى یێن رزگاربوویێن ده‌ست داعشێ خه‌لات وه‌رگرتبوو.

بابه‌تێن ب ڤێ مژارێ ڤه‌ گرێدای