نڤیسه‌ره‌كا بیلاروسى بۆ خوه‌دانا خه‌لاتێ نوبلێ

نڤیسه‌ره‌كا بیلاروسى بۆ خوه‌دانا خه‌لاتێ نوبلێ

وار – دهوك :

خه‌لاتێ نۆبل د بیاڤێ ئه‌ده‌بى دا بۆ ئه‌ڤ ساله‌ ب نڤیسه‌را بیلاروسى “سڤێتلانه‌ ئه‌لیكسیه‌ڤیچ” هه‌ته‌ دان. د پریس كۆنفرانسه‌كێ دا ئه‌كادیمیا شاهانه‌ یا زانستى ل سویدێ، خه‌لاتێ نۆبلێ د بیاڤێ ئه‌ده‌بى دا ب نڤیسه‌را ژن یا بیلاروسى “سڤێتلانه‌ ئه‌لیكسیه‌ڤیچى” یا ته‌مه‌ن 67 سه‌لى دا. ناڤهاتیێ ژبه‌ر ره‌خنه‌ گرتنێ ل حكومه‌تا وه‌لاتێ خوه‌، ل سالا دو هزارێ سكالایه‌كێ ل سه‌ر دهێته‌ تۆماركرن و ل وى ده‌مى بیلاروسیایێ ب جهـ دهێلیت و پشتى یازده‌ سالان ل كوچبه‌ریێ دیسا سڤێتلانه‌ ڤه‌دگه‌ریته‌ وه‌لاتێ خوه‌. په‌رتۆكێن نڤیسه‌رێ یێن چاپ و به‌لاڤكربوین ب ناڤێ “ئافره‌تا سۆڤیه‌ت ل ژێر ده‌ستێ نازیه‌كان، ده‌نگێن چه‌رنۆبیل”ـێ كو باس ل ده‌رده‌سه‌ریێن بۆمبا ئه‌تۆمى دكه‌ت و بۆ چه‌ندین زمانان هاتیه‌ وه‌رگێران. نها سڤێتلانه‌ ئه‌لیكسیه‌ڤیچ مژۆلى نڤێسینا په‌رتۆكه‌كێ یه‌ ب ناڤێ “ئاسكا جوان و نێچێركرنا هه‌رده‌م”. بریاره‌ سبا ئه‌كادیمیا شاهانه‌ یا زانستى ل سویدێ خه‌لاتێن نۆبلێ د بیاڤێ ئاشتیێ دا ئاشكرا بكه‌ت و دوازده‌یێ ڤێ مه‌هی ناڤێ كه‌سایه‌تیه‌كى، د بیاڤێ ئابورى ژى دا رابگه‌هینن.

k23 kk22

بابه‌تێن ب ڤێ مژارێ ڤه‌ گرێدای