نووترین ھۆشداری لدۆر حەپکێن پاراسیتامۆلێ بزانە

نووترین ھۆشداری لدۆر حەپکێن پاراسیتامۆلێ بزانە

وار – دهۆک :

شاره‌زا و تایبه‌تمه‌ندێن ده‌رمانان لڤان داوییان داخواز كریه‌ كو رێگریێن دژوار ل همبه‌ر بكارئینانا ده‌رمانێ پاراسیتامؤل بێنه‌ بكارئینان چوو حه‌بك یانژى شل نه‌مازه‌ پشتى ڤه‌كۆلینه‌كا نوو ئاشكرا كرى كو خوارنا ده‌رمانێ (پاراسیتمۆل) ێ بۆ ده‌مێن درێژ و بێ شیره‌تێن نۆشداران زیانێن هه‌ره‌ مه‌زن ژبوو هه‌نه‌ نه‌مازه‌ لسه‌ر ژنكێن دوگیان كو كارتێكرنه‌كا هه‌ره‌ خراپ ل سه‌ر بچووكێن وان چێدكه‌ت.
راسته‌ حه‌بكێن پاراسیتامۆل ئێك ژ رێكێن هێسانه‌ یێن راگرتنا ئازار و ئێشانان د له‌شیدا و بساناهى و ب بهایه‌كێ كێم ده‌ستدكه‌ڤن، لێ شاره‌زایێن ده‌رمانان دبینن كو ئه‌ڤ چه‌نده‌ تشته‌كێ زێده‌ خرابه‌ و دڤێت رێكارێن دژوار ل همبه‌ر بكارئینانا ڤان حه‌بكان بێنه‌ وه‌رگرتن و ئێدى پاراسیتامۆل وه‌كو هه‌ر ده‌رمانه‌كێ دن یێ ب مه‌ترسى بێته‌ سه‌ره‌ده‌ریكرن و ب ساناهى نه‌هێته‌ دان و بكارئینان ژبه‌ر ئه‌و هه‌موو شوونه‌وارێن خراب یێن ئه‌ڤ ده‌رمانه‌ لسه‌ر گیانێ مرۆڤان چێدكه‌ت و بتنێ بۆ ره‌وشێن ئاوارته‌ و ئێشانه‌كا گه‌له‌ك دژوار نه‌بیت.
دڤى واریدا و د ڤه‌كۆلینه‌كا هه‌ڤپشكا زانكۆیا “ئێرلانگن نۆرنبێرگ” دگه‌ل نه‌خوەشخانه‌یا فێركارى یا هامبۆرگێ ل ئه‌لمانیا كو ئه‌نجامێن وێ د گۆڤارا نۆشدارییا European Journal of Pain)) تایبه‌تمه‌ند، هاتینه‌ به‌لاڤكرن خویابوویه‌ كو ده‌رمانێ پاراسیتامۆل چ ب ره‌نگێ حه‌بك یانژى شل سه‌ده‌مه‌كێ ب هێزه‌ بۆ دروستبوونا په‌نجه‌شێرا مێشكى و كێشه‌یێن دلى و هناڤا نه‌مازه‌ ئاشكێ مرۆڤى و پێشنیار كریه‌ ئێدى ئه‌ڤ ده‌رمانه‌ بێته‌ سنۆرداركرن و هێسان بده‌ست خه‌لكى نه‌هێته‌ به‌ردان ژبه‌ر ئه‌و كارتێكرنا خراب یا ئه‌ڤ ده‌رمانه‌ ل مرۆڤان دكه‌ت نه‌مازه‌ گه‌له‌ك ژ خه‌لكى ژ نه‌زانینا خوە حه‌بكێن پاراسیتامۆل وه‌كو چه‌ره‌زاتا دخۆن و هه‌ر گاڤه‌كا ڤیان بێ شیره‌تا نۆشداران ب كه‌یفا خوه‌ بكاردئینن هه‌تا ل وه‌لاتێن رۆژئاڤا و بیانیژى كو ئاستێ تێگه‌هشتن و خوێنده‌واریێ ژ خه‌لكێ ده‌ڤه‌رێن دن یێن جیهانێ زێده‌تره‌ ئه‌ڤ كێشه‌یه‌ هه‌یه‌.
هه‌ڤده‌م پرۆفیسۆرێ به‌شدار دڤێ ڤه‌كۆلینێ دا؛ كاى برۆنا، ته‌كه‌ز دكه‌ت كو ئه‌و هزرا هنده‌ك كه‌س وه‌سان ته‌ماشاى پاراسیتامۆلێ دكه‌ن كو شه‌كرۆكن و هه‌ر ده‌مێ ڤیا بخۆت گه‌له‌ك یا شاشه‌ و كێشه‌یێن هه‌ره‌ مه‌زن ژ خوارنا ڤى ده‌رمانى چێدبن.
پرۆفیسۆرێ ناڤبرى هه‌روه‌سان هۆشدارییه‌كا دژوار ئاراسته‌ى ژنكێن دو گیان كریه‌ و راگه‌هاندییه‌، كو خوارنا ده‌رمانێ پاراسیتامۆل ل وه‌ختێ ژن یا دوگیان بیت دێ وه‌كه‌ت كو بچیكێ وى د زكماكدا همبه‌ر نه‌خۆشییا هاودابوونێ و هه‌ستیاریێ ببیت زێده‌بارى كو گه‌شه‌یا بچووكى دێ گیرۆدبیت و راوه‌ستیت و بچووك هه‌ر دمینیت ساڤا ژ روویێ جه‌سته‌یى و مێشكى ڤه‌..

بابه‌تێن ب ڤێ مژارێ ڤه‌ گرێدای