نه‌هـ یاریكه‌رێن دهۆكێ راهێنانێن تیمێ بجهـ هێلان!

نه‌هـ یاریكه‌رێن دهۆكێ راهێنانێن تیمێ بجهـ هێلان!

Capture

وار – دهۆک :

دوهی ژ نشكه‌كێ ڤه‌ نه‌هـ یاریكه‌رێن تیما ته‌پاپێی یا یانه‌یا دهۆك بێی رازه‌مه‌ندییا كادرێ راهێنانێ یه‌كه‌یا راهێنانێ بجهـ هێلان به‌ری یارییا وان یا ئه‌ڤرۆ ژ خولا ئیراقێ دگه‌ل یانه‌یا حدوود و به‌ره‌ڤ جهێ خۆ یێ ئاكنجیبوونێ چوون، وه‌كو نه‌ رازیبوون لسه‌ر گیروبۆنا پشكا ئێكێ یا هه‌ڤبه‌ستێن وان.

هه‌ر نه‌هـ یاریكه‌رێن یه‌كه‌یا راهێنانێ بجهـ هێلاین ئه‌وژی( عه‌لی له‌تیف، ئه‌یمه‌ن حسێن، عه‌باس رحێمه‌، عه‌لی موته‌شه‌ر، عه‌لی عه‌له‌لا، قاسم زێدان، ئه‌یاد سدێر، عه‌لی سه‌عه‌د و حه‌یده‌ر عه‌بدوللا) ب بهانا هندێ كۆ ئه‌وان پشكا خۆ یا ئێكێ ژ هه‌ڤبه‌ستان نه‌ وه‌رگرتییه‌، له‌ورا ئه‌وان ئه‌ڤ پێنگاڤه‌ هاڤێت وه‌كو نه‌رازیبوون لسه‌ر گیرووبۆنا هه‌ڤبه‌ستێن وان. لدۆر ڤێ یه‌كێ ژێده‌ره‌كی ژ یانه‌یێ دیاركر كو ئه‌و پێنگاڤا وان هاڤێتی دێ كارتێكرنێ لسه‌ر وانكه‌ت و لدووڤ به‌ندێن یاسایی و مه‌رجێن هه‌ڤبه‌ستێ دێ كه‌ڤنه‌ لبن به‌رپرسیارێ و دبیت هه‌تا سزایێ ژی، ژبه‌ركو بێی رازیبوونا كادرێ راهێنانێ ئه‌وان راهێنان بجهـ هێلاینه‌، هه‌روه‌سان كارگێرییا یانه‌یێ نه‌گۆتییه‌ ئه‌م هه‌ڤبه‌ستێن وان ناده‌ین، به‌لێ ژبه‌ر هه‌بوونا قه‌یرانا دارایی نه‌چاربووینه‌ پشكا ئێكێ یا هه‌ڤبه‌ستا بهێته‌ گیرووكرن.
لدۆر ڤێ یه‌كێ وه‌حید ره‌شید شرۆڤه‌كارێ وه‌رزشی دیاركر كو ئه‌ڤ پێنگاڤا نه‌هـ یاریكه‌رێن دهۆكێ كری یا مه‌ترسیداره‌ وجهێ راوه‌ستیانێیه‌، دیاربوو كو ئه‌ڤ یاریكه‌ره‌ هه‌كه‌ ئه‌و هه‌ڤبه‌ستا خۆ ژی وه‌ربگرن ئه‌وی ئاستی نیشان ناده‌ن وهه‌ر‌وه‌سا بووینه‌ ئه‌گه‌ر كارتیكرنا خۆ لسه‌ر هه‌موو یاریكه‌ران كرییه‌، دیسان دیاربوو ئه‌ڤان یاریكه‌ران مه‌بده‌ئێ وان تنێ بوو پاره‌، راسته‌ مافی وانه‌ ئه‌و هه‌ڤبه‌ستێن خۆ وه‌ربگرن، به‌لێ ئه‌و باش دزانن قه‌یرانا دارایی، هه‌رچه‌نده‌ وه‌كو ئه‌نجامێن دهۆكێ نه‌ دخرابن، به‌لێ ئه‌گه‌ر ئه‌ڤ كێشه‌یا دارایی یا به‌رده‌وامبیت دێ كارتیكرنه‌كا مه‌زن لسه‌ر یانه‌یا دهۆكێ كه‌ت، هه‌روه‌سان گۆت، پێنگاڤا ڤان یاریكه‌ران هاڤێتی دێ كارتیكرنه‌كا درێژی یا نه‌رێنی لسه‌ر تیمێ كه‌ت، چونكو نه‌ك تنێ یاریكه‌ره‌كه‌ به‌لكۆ نه‌هـ یاریكه‌رن و پرانییا وان یاریكه‌رێن سه‌ره‌كی نه‌، لدوماهیێ هیڤی خواست كارگێرییا یانه‌یێ دووڤچۆنه‌كا ته‌سه‌ل لسه‌ر ڤی یه‌كی براوه‌ستن و ئه‌ڤه‌ پێنگاڤه‌كا مه‌ترسیداره‌ و جهێ راوه‌ستیانه‌ به‌ری ئاریشه‌ مه‌زنتر لێبهێت.
لدوماهیێ شڤان حه‌سه‌ن پشته‌ڤانه‌كێ یانه‌یا دهۆكێ هیڤی خواست كارگێرییا یانه‌یێ وان یاریكه‌ران سزا بده‌ت دا چو یاریكه‌ر وه‌كی ڤان نه‌كه‌ن، هه‌روه‌سان هیڤی خواست به‌رپرسێن وه‌رزشی وسه‌مه‌دار پشته‌ڤانییا یانه‌یێ ب مادی ومه‌عنه‌وی بكه‌ن.

بابه‌تێن ب ڤێ مژارێ ڤه‌ گرێدای