نه‌خوشییا ئیدزێ ل گونده‌كێ ئیرانی به‌لاڤ بوویه‌

نه‌خوشییا ئیدزێ ل گونده‌كێ ئیرانی به‌لاڤ بوویه‌

WAAR-دهۆك:

سێسه‌د ژ خه‌لكێ گونده‌كێ باشۆرێ رۆژئاڤایێ ئیرانێ توشی نه‌خوشییا ئیدزێ بووینه‌ و خوه‌نیشاندان هاتنه‌ كرن.
ئاژانسا “فارس” یا ئیرانی د نووچه‌یه‌كێ خوه‌ دا ئاشكه‌را كر: نه‌خوشییا ئیدزێ ل گوندێ چنار مه‌حموودی یێ سه‌ر باژارێ لۆردیگان یێ باشۆرێ رۆژئاڤایێ ئیرانێ به‌لاڤ بوویه‌ و تا نها نێزیكی سێسه‌د ژ خه‌لكێ وێ توش بووینه‌، سه‌ده‌ما به‌لاڤبوونا نه‌خوشییێ بۆ بكارئینانا ده‌رزییێن بكارهاتی یێن پیس ژ ئالییێ سه‌نته‌رێ ساخله‌مییێ ڤه‌دگه‌ریت.
وه‌لاتییێن لۆردیگان بۆ ئاشكه‌راكرنا سه‌ده‌مێن به‌لاڤبوونا نه‌خوشییا ئیدزێ خوه‌نیشاندان به‌رانبه‌ر سه‌نته‌رێ ساخله‌مییێ و ئۆفیسا نوونه‌رێ رابه‌رێ بلند عه‌لی خامه‌نه‌یی كرن و ل گۆره‌ی زانیارییێن به‌لاڤبووی، ئالۆزی د ناڤبه‌را خوه‌نیشانده‌ر و هێزێن ئێمناهییێ دا چێ بوون و خوه‌نیشانده‌ران زیان گه‌هاندنه‌ سه‌نته‌ری و ئۆفیسا نوونه‌رێ خامه‌نه‌یی ژی سوت.

بابه‌تێن ب ڤێ مژارێ ڤه‌ گرێدای