نه‌ته‌وێن ئێكگرتى دخوازیت هاریكارییا هه‌رێمێ بكه‌ت

نه‌ته‌وێن ئێكگرتى دخوازیت هاریكارییا هه‌رێمێ بكه‌ت

وار – دهۆک :

ئه‌ڤرۆ چوارشه‌مبى وه‌زیرێ دارایى و ئابوورییێ حكۆمه‌تا هه‌رێما كوردستانێ، دگه‌ل شیره‌تكارێ ئابووریێ هنارتیێ تایبه‌تێ ئه‌میندارێ گشتیێ نه‌ته‌وێن ئێكگرتى كۆمبوو و ره‌وشا داراییا ئێراقێ و هه‌رێمێ هاته ‌گۆتووبێژكرن.
رێباز محه‌مه‌د، د كۆمبوونێ دا به‌حس ل ره‌وشا دارایی و ئابوورییا هه‌ریمێ كر،بۆ ئه‌میندارێ گشتیێ نه‌ته‌وێن ئێكگرتى و په‌یوه‌ندیێن دنیڤبه‌را هه‌ولێر و به‌غدایێ دا و هه‌روه‌سا رۆلێ پێشمه‌رگه‌ی و بار گرانییا ئابوورى و هاتنا ئاواره‌یان بۆ كوردستانێ ،كو پتر ژ ئێك ملیۆن و پینج سه‌د هزاران ده‌ربازكریه‌.
شیره‌تكارێ ناڤبرى دكتۆر ئه‌شره‌ف عه‌بد ئه‌لعال دیار كر،كو ئارماج ژ ڤێ سه‌ره‌دانێ ئه‌وه‌، هاریكارییا ئێراقێ و پێداچوونێ د گرفتێن وێ یێن دارایی دا بكه‌ین، دنێڤبه‌را وێ و هه‌ولێرێ دا،داكو قه‌بارێ داراییا هه‌رێمێ بزانین و به‌رچاڤبكه‌ین دگه‌ل به‌رپرسێن بلندێن ئێراقێ ژى گۆتووبێژبكه‌ین. دا ب كارین پێدڤییێن هه‌رێمێ پربكه‌ین ژ ئالوزیێن دارایی.

بابه‌تێن ب ڤێ مژارێ ڤه‌ گرێدای