نه‌ته‌وه‌یێن هه‌ڤگرتى: ملیۆنه‌ك و 600 هزار بیژن ل ئیراقێ هه‌نه‌

نه‌ته‌وه‌یێن هه‌ڤگرتى: ملیۆنه‌ك و 600 هزار بیژن ل ئیراقێ هه‌نه‌

وار – دهۆک :

نه‌ته‌وه‌یێن هه‌ڤگرتى ئاشكرا كر، كو 52% ژ ئاواره‌یێن ئیراقێ ژ مێ نه‌ و دیار ژى كر كو ملیۆنه‌ك و 600 هزار بیژن ل ئیراقێ هه‌‌نه‌.
لیز گراندى، نوونه‌را تایبه‌ت یا سكرتێرێ گشتى یێ نه‌ته‌وه‌یێن هه‌ڤگرتى و رێكخه‌را كاروبارێن مرۆڤى یێ وێ رێكخستنێ ل ئیراقێ گۆت: رێژه‌یا ژن و كچان د ناڤا ئاواره‌یێن ئیراقێ دا، یێن كو ژ سه‌ده‌مێ كارێن تیرۆرستێن داعشێ ده‌ڤه‌رێن خوه‌ بجهـ هێلاین و د نها دا د ره‌وشه‌كا دژوار دا ژیارا خوه‌ ده‌رباز دكه‌ن، 52%یه‌.
ناڤهاتیێ گۆت ژى: پێدڤى یه‌ جڤاكا مرۆڤاتیێ پێدڤییێن ژنێن ئاواره‌ دابین بكه‌ت و و هه‌ولێن خوه‌ ژ بۆ ڤێ یه‌كێ ب هێز بكه‌ت.
گراندییێ هژمارا بیژنێن ئیراقێ ژى ئاشكرا كر و گۆت: ده‌هان سالێن جه‌نگ و هه‌ڤركییان، گوهه‌رینێن بنگه‌هین د مالباتێن ئیراقى دا كرینه ‌و نها ملیۆنه‌ك و 600 هزار بیژن ل ئیراقێ هه‌نه ‌و هژماره‌كا زێده‌تر یا ژنان ژى ل ئیراقێ، ئه‌ركێ خوه‌دانكرنا مالباتێن وان كه‌فتییه ‌د ستۆى دا.

بابه‌تێن ب ڤێ مژارێ ڤه‌ گرێدای