نه‌ته‌وه‌یێن ئێكگرتی 15 هزار خانییان ل مووسلێ نووژه‌ن دكه‌ت

نه‌ته‌وه‌یێن ئێكگرتی 15 هزار خانییان ل مووسلێ نووژه‌ن دكه‌ت

WAAR-دهۆك:

نه‌ته‌وه‌یێن ئێكگرتی 15 هزار خانییان ل رۆژئاڤایێ مووسلێ نووژه‌ن دكه‌ت و دێ 90 هزار ئاواره‌ ڤه‌گه‌رنه‌ سه‌ر مالێن خوه‌.
ل گۆره‌ی به‌یاننامه‌یه‌كا پرۆگرامێ ڤه‌ژاندنێ یێ نه‌ته‌وه‌یێن ئێكگرتی، ئه‌و پرۆژه‌یێ نها ل مووسلێ جێبجێ دكه‌ن ، كو 29 تاخێن رۆژئاڤایێ وی باژاری بخوه‌ڤه‌ دگرن كو ئه‌و تاخن یێ ژ هه‌میان پتر زه‌ره‌رمه‌ندبوون.
دایه‌ زانین ژی : ئه‌و پرۆژه‌یه‌ دێ ده‌لیڤه‌یێ بده‌ته‌ 90 هزار ئاواره‌یان ڤه‌گه‌رنه‌ سه‌ر مالێن خوه‌ كو ب نووژه‌نكرنا وان 15 هزار خانییان دێ ژماره‌یا خانیێن نووژه‌نكری گه‌هنه‌ 30 هزار خانییان.
لدۆر ده‌مێ ته‌مامكرنا پرۆژه‌یی ژی، پرۆگرامێ نه‌ته‌وه‌یێن ئێكگرتی دیاركر : گه‌را ئێكێ یا خانییان دێ ل داوییا مه‌ها ئادارا ئه‌ڤ ساله‌ ب دوماهی هێن و بریاره‌ پرۆژه‌ ل چریا دوێ ب دوماهی بهێت.

بابه‌تێن ب ڤێ مژارێ ڤه‌ گرێدای