نه‌ته‌وه‌یێن ئێكگرتی و ده‌رڤه‌یا ئه‌مریكا بوویه‌را ته‌قه‌كرنێ ل هه‌ولێرێ شه‌رمزار كر

نه‌ته‌وه‌یێن ئێكگرتی و ده‌رڤه‌یا ئه‌مریكا بوویه‌را ته‌قه‌كرنێ ل هه‌ولێرێ شه‌رمزار كر

WAAR-دهۆك:

نه‌ته‌وه‌یێن ئێكگرتی و وه‌زاره‌تا ده‌رڤه‌یا ئه‌مریكا د دو راگه‌هاندنێن جودا دا بوویه‌را ته‌قه‌كرنێ ل هه‌ولێرێ شه‌رمزار كر و داخوازكر ئه‌نجامده‌ر بهێنه‌ ده‌سته‌سه‌ركرن.
شاندا نه‌ته‌وه‌یێن ئێكگرتی ل ئیراقێ یۆنامی د راگه‌هاندنه‌كێ دا داخواز ژ حكومه‌تا هه‌رێمێ لێكۆلینه‌كا به‌رفره‌هـ بكه‌ت، داكو ئه‌نجامده‌رێن هێرشا سه‌ر دپلۆماتكارێ توركیا ل هه‌ولێرێ بهێنه‌ ده‌سته‌سه‌ركرن.
ژ ئالیێ خوه‌ڤه‌ مایك پۆمپیۆ وه‌زیرێ ده‌رڤه‌ یێ ئه‌مریكا د راگه‌هاندنه‌كێ دا هێرش شه‌رمزاركر و راگه‌هاند: چ به‌هانه‌ بۆ كریاره‌كا وه‌ها پری ئالۆزی نینن و هه‌ڤخه‌مییا خوه‌ بۆ قوربانیێن بوویه‌رێ نیشان دا.

ژ ئالیێ خوه‌ڤه‌ ئه‌حمه‌د سه‌حاف، په‌یڤدارێ وه‌زاره‌تا ده‌رڤه‌یا ئیراقێ راگه‌هاند: وه‌زاره‌تا ده‌رڤه‌یا هایداره‌ ل سه‌ر نووترین پێشهاتێن روودانێ و لگه‌ل ئالیێن ئه‌منی یێن فه‌رمی د په‌یوه‌ندیێن به‌رده‌وام دایه‌‌.
گۆت ژی: حكومه‌تا ناڤه‌ندی ژ نێزیك دووڤچوونا روودانا ته‌قه‌كرنا ل هه‌ولێرێ دكه‌ت و وێ هێرشێ شه‌رمزار ژی دكه‌ت.

بابه‌تێن ب ڤێ مژارێ ڤه‌ گرێدای