نه‌ته‌وه‌یێن ئێكگرتی: ل 2050 یێ هه‌ژمارا مرۆڤان دێ بنه‌ 9.7 ملیار

نه‌ته‌وه‌یێن ئێكگرتی: ل 2050 یێ هه‌ژمارا مرۆڤان دێ بنه‌ 9.7 ملیار

WAAR-دهۆك:

راپۆرته‌كا نه‌ته‌وه‌یێن ئێكگرتی پێشبینی كرییه‌ تا سالا 2050ێ هه‌ژمارا مرۆڤان ل سه‌ر ئه‌ردی بگه‌هیته‌ نێزیكی 10 ملیار كه‌سان.
ل گۆری راپۆرته‌كا نه‌ته‌وه‌یێن ئێكگرتی كو تایبه‌ته‌ ب هه‌ژمارا مرۆڤان ل سه‌ر روویێ ئه‌ردی، پێشبینی هاتییه‌ كرن تا سالا 2050ێ، 9 ملیار و 700 ملیۆن مرۆڤ ل سه‌ر ئه‌ردی بژین، تا سالا 2100ێ ژی بگه‌هیته‌‌ 11 ملیار كه‌سان.
د وێ راپۆرتێ دا هاتییه‌: 50% یا وێ هه‌ژمارێ دێ ل 9 وه‌لاتان بن، ئه‌و ژی هندستان، نایجیریا، پاكستان، كۆنگۆ و ئه‌سیۆبیا، هه‌روه‌ها ته‌نزانیا و ئێندونیسیا، مسر و ئه‌مریكا.
راپۆرتا نه‌ته‌وه‌یێن ئێكگرتی ئاماژه‌ كرییه‌، ل به‌رانبه‌ر وێ زێده‌بوونێ، هه‌ژمارا مرۆڤان ل وه‌لاتێ چینێ دێ كێم بن كو ب مه‌زنترین وه‌لات ژ روویێ هه‌ژمارا مرۆڤان ڤه‌ دهێت هه‌ژمارتن.

بابه‌تێن ب ڤێ مژارێ ڤه‌ گرێدای