نه‌ته‌نیاهۆ بۆ عه‌ره‌با: ئه‌گه‌ر ئسرائیل نه‌با، دا رۆژهه‌لاتا ناڤین هه‌رفیت

نه‌ته‌نیاهۆ بۆ عه‌ره‌با: ئه‌گه‌ر ئسرائیل نه‌با، دا رۆژهه‌لاتا ناڤین هه‌رفیت

WAAR-دهۆك:

سه‌رۆكوه‌زیرێ ئسرائیلێ په‌سنا رۆلێ وه‌لاتێ د رۆژهه‌لاتا ناڤین دا كر و راگه‌هاند: ئسرائیل تاكه‌ هێزه‌ یاكو بوویه‌ رێگر رۆژهه‌لاتا ناڤین نه‌كه‌ڤیته‌ د ده‌ست تۆندرێیێن ئیسلامی دا.
بنیامین نه‌ته‌نیاهۆ د كۆمبوونا خوه‌یا گه‌ل ریك بیری وه‌زیرێ ووزه‌یا ئه‌مریكا دا به‌حسا سه‌ره‌دانا مه‌دیاكارێن عه‌ره‌ب كر ئه‌وێن سه‌ره‌دانا ئسرائیلێ كری و دیاركر: ئه‌گه‌ر ئسرائیل نه‌با، دا رۆژهه‌لاتا ناڤین هه‌رڤیت و داكه‌ڤیته‌ د ده‌ست تۆندرێیێن ئیسلامی دا ئه‌ڤجا ژ شیعه‌ بن ب سه‌ركێشیا ئیرانێ، یان سوننه‌ ئه‌وا كو داعش سه‌ركێشیێ دكه‌ت.
گۆت ژی: ئسرائیلێ ب رێیا رێكار و بزاڤێن خوه‌ یێن مه‌زن هه‌ماهه‌نگیێن باش ل گه‌ل وه‌لاتێن ده‌ردور دروستكرینه‌.
ئه‌ڤه‌ د ده‌مه‌كی دایه‌ ل سێشه‌مبیا بۆری نڤیسینگه‌ها كنێستێ د به‌یاننامه‌یه‌كێ دا به‌لاڤكربوو، ژماره‌كا مه‌دیاكارێن عه‌ره‌ب ژ سعوودیێ و ئیراق و ئوردنێ سه‌ره‌دانا ئسرائیلێ كربوو.

بابه‌تێن ب ڤێ مژارێ ڤه‌ گرێدای