نامه‌یێن فێسبۆكی بكارهێنه‌ر تۆره‌ كرینه

نامه‌یێن فێسبۆكی بكارهێنه‌ر تۆره‌ كرینه

WAAR-دهۆك:

ژ ئه‌گه‌رێ ئاریشەیە‌كێ دناڤ تۆرا جڤاکی یا فەیسبۆكی دا، ب هزاران نامه‌ د چه‌ند سه‌عه‌تێن بۆری دا گه‌هشتنینه‌ بكارهێنه‌ران و ڤێ یه‌كێ‌ ژى دلگرانییه‌ك ل دەڤ بكارهێنه‌رێن فەیسبۆكی په‌یدا كرییه‌. کۆمپانییا فەیسبۆكی د راگه‌هاندنه‌كێ دا دیاركرییه‌، ل رۆژا چوارشه‌مبی هژماره‌یه‌كا مه‌زن یا بكارهێنه‌ران ب هزارن نامه‌ كۆ ژ نووچه‌یێن سه‌خته‌ پێكدهات وه‌رگرتینه‌ و بوویه‌ جهێ دلگرانیێ، هه‌روه‌سان  راگه‌هاندییه‌، د چه‌ند سه‌عه‌تێن بهێت دا ئه‌ڤ ئاریشەیە‌ دێ هێته‌ چاره‌سه‌ركرن و چ مه‌ترسی ل سه‌ر ئه‌كاونتێن بكارهێنه‌ران نینه‌، دا زانین ژی ئه‌ڤ ئاریشەیە‌ ل ئه‌مریكا و یابان و چه‌ند وه‌لاتێن ئه‌ورۆپی هه‌روه‌سان ل هنده‌ك وه‌لاتێن ئه‌ره‌بی درۆست بوویه‌. كۆمپانییێ دیار ژى كریه‌، فەیسبۆك دێ مینت بێ به‌رامبه‌ر، چ ده‌نگۆ نینن فەیسبۆك ب پاره‌ بهێته‌ بكارئینان و چ راستی نینن بۆ وی ده‌نگویێ فرێكرنا نامه‌یه‌كێ بۆ 20 كه‌سان تا فەیسبۆك بێ به‌رامبه‌ر بمینت، پێدڤیه‌ هه‌موو بكارهێنهر‌ وێ نامه‌یێ پشتگوهـ بھاڤێژن و چ به‌رسڤان ل سه‌ر نه‌ده‌ن.

بابه‌تێن ب ڤێ مژارێ ڤه‌ گرێدای