ناسایی کەشتیەک بەرەڤ رۆژێ ھنارتە ڤالاھییا ئەسمانی

ناسایی کەشتیەک بەرەڤ رۆژێ ھنارتە ڤالاھییا ئەسمانی

WAAR-دهۆك:

ئاژانسا ناسا یا فه‌له‌كناسیێ ئەڤرۆ کەشتییه‌ك ژبۆ نێزیکترین ڤالاهییا ئاسمانی ژ رۆژێ ب رێ ئێخست.
سەنتەرێ نشتیمانی یێ ڤالاھییا ئەسمانی یێ ئەمریکا ناسایێ ئەڤرۆ ئۆپەراسیۆنەکا مەزن بۆ ھنارتنا کەشتییەکا ئاسمانی بۆ نێزیکی رۆژێ دەستپێکر و مۆشەکەکا ب ناڤێ پارکەر سۆلار پرۆب ھنارتە ڤالاھییا ئاسمانی و دێ گەھیتە نێزیکترین ڤالاهی بۆ رۆژێ.
مۆشەکا ناسایێ دێ 6 ملیۆن و 160 هزار کیلۆمەتران ژ رۆژێ نێزیک بیت کو بەری نھا چ مۆشەکێن وان ب ڤی رەنگی ژ رۆژێ نێزیک نەبووینە.
پارکەر ئێکەم کەشتییە د دیرۆکێ دا راستەراست بەر ب رۆژێ ڤە بچیت و مەرەم ژ ھنارتنا وێ دووڤچوون و لێکۆلینە ژ چاوانییا لڤینا وزە و گەرما رۆژێ و سەقا و ھەوایێ دەردۆرا وێ.
ئەو کەشتی ب بھایێ ملیارەک و 500 ملیۆن دۆلارانه‌ و ناسایێ ئەو گاڤا خوە ب ستراتیژیترین ئەرک ھەژمارتییە و روویێ کەشتییێ وەها ھاتییە چێکرن کو ھەتا رووبەرێ 6 ملیۆن کیلۆمەتران ل دووری روویێ رۆژێ پاراستی بمینیت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.