نارین فه‌قه‌: په‌نابه‌ر دكارن ڤه‌گه‌ڕنه‌ ئاخا خوه‌

نارین فه‌قه‌: په‌نابه‌ر دكارن ڤه‌گه‌ڕنه‌ ئاخا خوه‌

وار – دهۆک :
نارین هونه‌رمه‌ندا خودان شیان خه‌لكا دیریكێ یه‌ ژ كوردستانا رۆژئاڤا نهو مژوولى كاره‌كێ نوویه‌ وه‌ك كلیپ ب ناڤێ (په‌نابه‌رێن وه‌لاتى دكارن ڤه‌گه‌رن) كو ب دوماهیئینایه‌، له‌ورا د سایتێ خوه ‌یێ تایبه‌ت دا نارینێ چه‌ندین رۆنكرن ل سه‌ر ڤێ كلیپێ داینه‌‌.
نارینێ گۆتیه‌: نهو ئه‌ز ژ ده‌رڤه‌یى وه‌لاتى مه‌، لێ دلێ من دناڤا وه‌لاتى دایه‌ و نه‌شێم بنڤم ژ به‌ر خه‌مێن وه‌لاتى و په‌نابه‌ربوونا خه‌لكێ مه‌ ئه‌ز بێزاركرمه‌ له‌ورا من ب تنێ شیا خه‌مێن خوه‌ بكمه‌ ستران و بكمه‌ دیارى بۆ هه‌ر په‌نابه‌ره‌كێ كورد.
سه‌باره‌ت كارێ سترانا نوو ناڤبریێ گۆت‌: من ب تنێ ڤیا ئه‌ز كاره‌كى بكم كو په‌نابه‌رێن مه‌ بزانن ئه‌و ناهێن ژبیركرن، ژ به‌ر وێ یه‌کێ من سترانه‌ك ب ناڤێ په‌نابه‌رێن وه‌لاتى دكارن ڤه‌گه‌رن دروستکریه‌ كو تێكستێ وێ یێ ئه‌مین بوتانیه‌ و ئاواز یا من ب خوه‌یه‌ و عه‌لى شاكر دابه‌شكرنا مۆزیكێ بۆ ئه‌نجامدایه،
په‌نابه‌رێن وه‌لاتى دكارن ڤه‌گه‌رن بدوماهیهاتیه‌ د چه‌ند رۆژێن بهێن دا دێ هێته‌ به‌لاڤكرن، دیسا ئه‌گه‌رێ گیرۆبوونا ڤى به‌رهه‌مى ناریێ گۆت‌: من ڤیا كاره‌كێ جودا ژ كارێن خوه‌ یێن دن بكم ژبه‌ركو ئه‌ڤه‌ ب من ڤه‌ نه‌ گرێدایه،‌ به‌لكو ب په‌نابه‌ران ڤه‌ گرێدایه‌، لێ دشێم بێژمه‌ په‌نابه‌ران هوون دكارن ڤه‌گه‌رنه‌ ئاخا خوه‌ ژبه‌ركو ئاخ یا ‌وه‌یه‌ ودێ بۆ ‌وه‌ زڤرت.
نارین فه‌قه‌ خه‌لكا كوردستانا رۆژئاڤایه‌ و خودانا چه‌ندین به‌رهه‌م و كلیپانه‌ ب هه‌ردوو زاران بادینى و سۆرانى و شییایه‌ چه‌ندین سترانێن سینگل دروست بكت و ل ڤێ دوماهیێ شییایه‌ سترانه‌كێ ب شێوه‌یێ كلیپ بۆ په‌نابه‌ران به‌رهه‌مبینت.

بابه‌تێن ب ڤێ مژارێ ڤه‌ گرێدای