مەکگۆرکی ب دژواری بەرسڤا ترامپی دا

مەکگۆرکی ب دژواری بەرسڤا ترامپی دا

WAAR-دهۆك:

ھنارتیێ بەریێ یێ سەرۆکێ ئەمریکا بۆ ھەڤپەیمانییا دژی داعشێ ب دژواری رەخنە ل پلان و ستراتیژییەتا ئەمریکا ل رۆژئاڤایێ کوردستانێ گرتن و دیارکر: ئەوا نھا دھێتە بجھئینان نە پلانا ئاگربەستێ یە بەلکو داخوازییە بۆ چولکرنا وان باژارێن تورکیا دوورپێچ کرین.
بریت مەکگۆرک د چەند تویتان دا بەرسڤا دونالد ترامپ سەرۆکێ ئەمریکا دا لدۆر داخویانییا وی یا پاراستنا پەترۆلێ ل سووریێ و نڤیسییە، سوپایێ ئەمریکا چوویە سووریێ دا وەلاتیێن خوە ژ داعشێ ب پارێزیت، سوپایێ ئەمریکا پەترۆلا بیانیان کۆنترۆل ناکەت.
دیار ژی کر: ئەوا نھا ل رۆژئاڤایێ کوردستانێ دھێتە کرن نە بجھئینانا ئاگربەستێ یە، بەلکو داخوازییە بۆچولکرنا وان باژارۆکێن ھێزێن داگیرکاری یێن سەر ب تورکیا دوورپێچ کرین و ئەو ژی ھەمان تەکتیکە یا ئەسەدی بکاردئینا.

بابه‌تێن ب ڤێ مژارێ ڤه‌ گرێدای