مەکسیک.. 791 کۆچبەر ھاتن گرتن

مەکسیک.. 791 کۆچبەر ھاتن گرتن

WAAR-دهۆك:

مەکسیکێ 791 کۆچبەرێن نەقانوونی ل ویلایەتا فیراکرۆز یا باشۆر گرتن.
د چارچووڤێ رێککەفتنا د گەل ئەمریکا یا رێگریکرنا ھاتنا کۆچبەرێن وەلاتێن ئەمریکا لاتین بۆ سنۆرێ ئەمریکا، ھێزێن زێرەڤانی یێن مەکسیکێ ل ویلایەتا فیراکرۆز 791 کۆچبەرێن گواتیمالا و ھندۆراس و سلڤادۆرێ گرتن کو د خواستن ب رێکێن نەقانوونی دەربازی مەکسیکێ ببن.
بەرپرسێن مەکسیکی دیار کر، د ناڤا وان دا 368 زارۆ بوون و 270 ژ وان د ژیێ 6 تا 7 سالیێ دانە.
رۆژانە ب ھزاران کۆچبەر ب رێیا مەکسیکێ دەربازی سنۆرێن ئەمریکا دبن، ئەمریکا ژی حکومەتا مەکسیکێ نەچار کرییە 6 ھزار سەربازان ل سنۆرێن باشۆر بەلاڤ بکەت داکو رێ نەدەن ئەو کۆچبەرە دەربازی سنۆرێن مەکسیکێ ببن.

بابه‌تێن ب ڤێ مژارێ ڤه‌ گرێدای