مەسروور بارزانی پێشوازی ل ئەیاد عەلاوی کر

مەسروور بارزانی پێشوازی ل ئەیاد عەلاوی کر

WAAR-دهۆك:

راوێژکارێ جڤاتا ئاساییشا ھەرێمێ و راسپاردیێ کابینەیا نوو یا حکومەتێ پێشوازی ل سەرۆکێ ھەڤپەیمانییا نشتیمانی کر.
مەسروور بارزانی، راوێژکارێ جڤاتا ئاساییشا ھەرێمێ و راسپاردیێ پێکئینانا حکومەتا ھەرێما کوردستانێ پێشوازی ل د. ئەیاد عەلاوی، سەرۆکێ ھەڤپەیمانییا نشتیمانی و شاندەکا ل گەل کر، د دیدارەکێ دا مەسروور بارزانی ئاماژە ب پێنگاڤێن پێکئینانا کابینەیا حکومەتێ دا و دوپات ل چارەکرنا کێشەیێن ھەلاویستی د ناڤبەرا ھەولێرێ و بەغدایێ ل گۆرەیی دەستووری کر.
سەرۆکێ ھەڤپەیمانییا نشتیمانی ژی پیرۆزباھیێن خوە ئاراستەی مەسروور بارزانی کرن و راگەھاند؛ ئەو ھیڤیخوازە پەیوەندیێن د ناڤبەرا ھەولێر و بەغدایێ بەرەڤ پێش بچن.
ژ ئالیەکێ دیڤە ھەردو ئالی رژد بوون ل سەر بلەز دەستپێکرنا دانوستاندنان ژبۆ دیتنا چارەیێن بنەرەت بۆ گشت کێشەیان و بنیاتنانا ئیراقەکێ، کو گشت پێکھاتە ھەست ب ماف و ئەرکێن خوە بکەن.

بابه‌تێن ب ڤێ مژارێ ڤه‌ گرێدای