مه‌سروور بارزانى: پێدڤی یه‌ رێككه‌فتن د به‌رژه‌وه‌ندییا خه‌لكێ رۆژئاڤا دا بیت

مه‌سروور بارزانى: پێدڤی یه‌ رێككه‌فتن د به‌رژه‌وه‌ندییا خه‌لكێ رۆژئاڤا دا بیت

WAAR-دهۆك:

سه‌رۆكێ حكومه‌تا هه‌رێما كوردستانێ هه‌موو بزاڤێن گهۆرینا دیموگرافیا رۆژئاڤایێ كوردستانێ ره‌ت كرن و راگه‌هاند: پێدڤی یه‌ رێككه‌فتن و چاره‌یا ره‌وشا سووریا د به‌رژه‌وه‌ندییا خه‌لكێ رۆژئاڤایێ كوردستانێ دا بیت.
مه‌سروور بارزانى سه‌رۆكێ حكومه‌تا هه‌رێمێ، ئه‌ڤرۆ سپێدێ پێشوازى ل ژان ئیف لودریان، وه‌زیرێ ده‌رڤه ‌یێ فره‌نسا كر، د كۆمبوونێ دا باس ل پێشهاتێن سووریا و ئیراقێ و په‌یوه‌ندیێن هه‌ولێر و پاریسێ كر، لودریانى په‌سنا رۆل و كاریگه‌ریا سه‌ركرداتییا هه‌رێمێ و هێزێن پێشمه‌رگه‌ى د شه‌ڕی دژى داعشێ دا كر و گۆت: وى قاره‌مانییا پێشمه‌رگه‌ى ب چاڤێن خوه‌ دیتییه‌.
لودریانى جاره‌كادى دوپاتى ل په‌یوه‌ندیێن هه‌رێما كوردستانێ و فره‌نسا كر و گۆت: هاتیمه‌پشته‌ڤانییا فره‌نسا بۆ هه‌رێمێ دوپات بكه‌م.
مه‌سروور بارزانى ژى، باس ل ره‌وشا رۆژئاڤایێ كوردستانی كر و گۆت: پێدڤییه‌رێككه‌فتن و چاره‌یا ره‌وشا سووریا د به‌رژه‌وه‌ندییا خه‌لكێ رۆژئاڤایێ كوردستانێ دا بیت و هه‌ر بزاڤه‌كا گهۆرینا دیموگرافیایێ ژى ره‌ت كر.
ل دۆر په‌یوه‌ندیێن هه‌ولێر به‌غدایێ ژى، سه‌رۆكێ حكومه‌تێ راگه‌هاند: هه‌ولێر بۆ چاره‌كرنا هه‌موو كێشه‌یان ل گۆره‌ى ده‌ستوورى ئاماده‌یه‌و چه‌ندین پێشنیاز ژى داینه ‌به‌غدا و نها ژى پێدڤی یه ‌حكومه‌تا فیدرالى رژدتر بهێته ‌پێش و گاڤێن چاره‌كرنا هه‌موو كێشه‌یان پاڤێت.

بابه‌تێن ب ڤێ مژارێ ڤه‌ گرێدای