مەسروور بارزانی هێلێن سەرەکی یێن به‌رنامه‌یێ حکومەتا نوو راگەهاندن

WAAR-دهۆك:

مەسرورر بارزانی سەرۆکێ حکومەتا هەرێما کوردستانێ، پشتی سیندخوارنێ گوتارەک پێشکێشکر و بەحسا پینگاڤێن داهاتی یێن حکومەتا هەرێمێ کر و راگەهاند: پشتی جێگێربوونا حکومەتا هەرێمێ دێ سەرەدانا بەغدا کەین و هەولێن نەهێلانا هەموو کێشەیێن دناڤبەرا هەولێر و بەغدا کەین.

مەسرور بارزانی سەرۆکێ حکومەتا هەرێما کوردستانێ بەحسا بەرنامەیێ کابینەیا خوە کر و راگەهاند: پێنگاڤێن جدی ژ بۆ نەهێلانا گەندەلیێ و چاکسازیێ دێ هێنە هاڤێتن و دێ کار ژ بۆ چەنسپاندنا دیموکراسیێ و یاسایێ هێتە کرن.

سەرۆکێ حکومەتا هەرێما کوردستانێ، د بەشەکێ دی یێ گوتارا خوەدا بەحسا ئێکخستنا هێزێن پیشمەرگەی کر، و راگەهاند: دێ هەولێن وان بۆ ئێکخستنا هیزێن پیشمەرگەی و ئاسایشێ ل گورەی ستانداردێن جیهانی دێ بەردەوام بن و خزماتکرنا وەلاتیان ب تایبەت د وارێ کارەبێ و تەندروستیێ دێ ژ گاڤێن گرنگێن حکومەتێ بن.

لسەر ئاستێ پەیوەندیێن دگەل حکومەتا فیدرالا ئیراقێ، سەرۆکوەزیرێن هەرێمێ راگەهاند: حکومەتا هەرێمێ دێ دەست ب دانوستاندنا دگەل بەغدا کەت ژ بۆ بجهئینانا مادەیێ سەد و چل و پرسا پیشمەرگەی و بودجەیا هەرێمێ و ئاسایکرنا رەوشا دەڤەرێن کوردستانی، دیارژی کر، قەرەبوکرنا کەسوکارێن شەهید و ئەنفالکریان و زیندانیێن سیاسی دێ بابەتێ دانوستانان بیت دگەل بەغدا.

د بەشەکێ دی یێ گوتارا خوەدا مەسرورر بارزانی بەحسا پەیوەندیێن هەرێمێ دگەل وەلاتێن جیران کر و راگەهاند: لسەر بنەمایێ بەرژەوەندیێن هەڤپشک دێ گرنگیێ ب پەیوەندیێان دەین.

بابه‌تێن ب ڤێ مژارێ ڤه‌ گرێدای