مەسروور بارزانی ل گەل شاندەکا سوپایێ کەنەدا کۆم بوو

مەسروور بارزانی ل گەل شاندەکا سوپایێ کەنەدا کۆم بوو

WAAR-دهۆك:

شیرەتکارێ جڤاتا ئاساییشا ھەرێما کوردستانێ ل گەل فەرماندەیێ ھێزێن ئۆپەراسیۆنێن تایبەت یێ کەنەدا کۆم بوو، ھەردو ئالیان بەحس ل پێکئینانا حکومەتا نوو و بەرچاڤ وەگرتنا داخازیێن خەلکی د وێ حکومەتێ دا کر.
مەسروور بارزانی شیرەتکارێ جڤاتا ئاساییشا ھەرێما کوردستانێ پێشوازی ل جنرال پیتەر دۆ فەرماندەیێ ھێزێن ئۆپەراسیۆنێن تایبەت یێ کەنەدا کر، د وێ ھەڤدیتنێ دا مەسروور بارزانی ھاریکاریێن سوپایێ کەنەدا بۆ پشتەڤانیکرنا ھەرێما کوردستانێ ل شەرێ دژی تیرۆرێ بلند نرخاندن.
شیرەتکارێ جڤاتا ئاساییشا ھەرێمێ بەحس ل لڤینێن تیرۆرستان ل کەرکووک، دیالا، مووسل و ئەنبارێ کر و دوپاتکر: ژ ئەگەرێ چارەسەرنەکرنا ھۆکارێن سەرەکی یێن کێشەیانە ل ئیراقێ و دەڤەرێ، ھەروەسا ل گەل ھۆکارێن جڤاکی و ئابۆری کو مەترسییەکا جددی بۆ سەر وێ پێشکەفتنا ھەی دورست دکەن یا ل شەرێ دژی تیرۆرێ ب دەستڤە ھاتین.
ھەڤدەم فەرماندەیێ ھێزێن ئۆپەراسیۆنێن تایبەت یێ کەنەدا ژی دوپات کر: کو وەلاتێ وی وەک ھەڤپشکا سەرەکی یا ب ھێز دێ ل شەرێ ب دوماھیک ئینانا تیرۆرستان بەردەوام بیت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.