مەسروور بارزانی: قەیرانێن مرۆڤی و قرکرنا نەژادی بوویە ئەگەر پێلەکا ئاوارە و پەنابەران بەرەڤ هەرێمێ بهێن

WAAR-دهۆك:

سەرۆکێ حکومەتا هەرێما کوردستانێ مەسروور بارزانی، د پەنەلەکێ دیدارا ئاشتی و سەقامگریا رۆژهەلاتا ناڤین دا راگەهاند: قەیرانێن مرۆڤی و تیرۆر و قرکرنا نەژادی و جوداهیێن سیاسی و بارگرانیا ئابۆری و بوویە ئەگەر پێلەکا ئاوارە و پەنابەران بەرەڤ هەرێما کوردستانێ بهێن و ئەڤە وێ یەکێ رادگەهینیت کوردستان جهەکێ ئارامە بۆ هه‌موو پێكهاته‌یێن جودا.

مەسروور بارزانی بەحسا مەترسیا ڤەگەریانا داعشێ کر و دیارکر، تا نها رێکخستنا داعشێ مەترسیە ل سەر دەڤەرێ و دڤێت ب هەمی شیانان رێک ل دوبارە سەرهلدانا تیرورێ بهێته‌گرتن.

مەسرور بارزانی ده‌رباره‌ى خوەنیشاندانێن ئیراقێ ژی و راگەهاند: خوەنیشادەر هەژی هەموو خزتمەگوزاریانە و دڤێت داخوازیێن وان بهێنە بجهئینان، لێ تا نها پارتێن سیاسی یێن ئیراقێ بدى و هەڤرا هەولێن چارەسەرکرنا کێشەیێن ئیراقێ نەدایە.

بابه‌تێن ب ڤێ مژارێ ڤه‌ گرێدای