مەسروور بارزانی: دێ کار بۆ راکێشانا وەبەرھێنەرێن بیانی کەین

مەسروور بارزانی: دێ کار بۆ راکێشانا وەبەرھێنەرێن بیانی کەین

WAAR-دهۆك:

راسپاردیێ پێکئینانا کابینەیا نەھێ یا حکومەتا بھێت یا ھەرێمێ راگەھاند؛ کابینەیا نوو یا حکومەتێ دێ کار بۆ راکێشانا وەبەرھێنەرێن بیانی بۆ ناڤ ھەرێما کوردستانێ کەت.
مەسروور بارزانی راسپاردیێ پێکئینانا حکومەتا نوو یا ھەرێمێ، ئەڤرۆ پێشوازی ل شاندەکا ئێکەتییا ژوورێن بازرگانی یێن ویلایەتێن ئێکگرتیێن ئەمریکا ب سەرۆکاتییا ستیڤ لوتەس کر، خوەشحالیا خوە ب سەرەدانا وی شاندی نیشان دا و ئاماژە ب گرنگی پێدانا پەیوەندیێن ئابۆری یێن دناڤبەرا ھەردو ئالیان دا.
ھەروەسا دوپات کر: بەرنامەیێ سەرەکی یێ حکومەتا بھێت یا ھەرێمێ، راکێشانا وەبەرھێنەرێن بیانی یە بۆ ناڤ ھەرێما کوردستانێ، کۆمپانیێن ئەمریکا ژی دکارن مفایی ژ رەوشا ئابۆری یا ھەرێمێ وەربگرن.
شاندا ئەمریکی ژی خوەیا کر: ئەو دێ کۆمپانیێن خوە ھاندەن ل ھەرێما کوردستانێ وەبەرھێنانێ بکەن.

بابه‌تێن ب ڤێ مژارێ ڤه‌ گرێدای