مەزلۆم کۆبانی: دخوازین ئەمریکا مە و تورکیا پێک بینیت

مەزلۆم کۆبانی: دخوازین ئەمریکا مە و تورکیا پێک بینیت

WAAR-دهۆك:

سەرکردەیێ هێزێن سووریا دیمۆکرات دیار کر، کوردان ب خوینا خوە سووریا و دەڤەر ژ تیرۆرستان رزگار کرییە و دخوازن دگەل تورکیا و هەموو گەلێن دەڤەرێ رێک بکەڤن.
مەزلۆم کوبانی، سەرکردەیێ هەسەدێ بۆ کۆڤارا فۆڕن پۆلسی راگەهاند، هەسەدێ پتری 11 هزار شەڕڤان د شەڕێ دژی تیرۆرێ دا کرینە قوربانی، هەسەدە رێزێ ل وان هاریکارییان دگریت یێن ئەمریکا ل وی دەمی پێشکێش کرین و نها ژی ناخوازیت واشنتۆن وەک پۆلیسەکێ نێڤدەولەتی دەڤەرێ بپارێزیت، تنێ داخوازییا هەسەدێ ئەوە؛ ئەمریکا هێز و پێگەهێ خوە یێ نێڤدەولەتی بکاربینیت داکو کورد و تورکیا بگەهنە رێککەفتنەکێ.
مەزلۆم کۆبانی، هەروەسا خۆیا کرییە، هەر چ پێشنیازا بۆ رێککەفتنێ هەبیت، سەرکرداتییا کوردی ل سووریێ دێ ل سەر رازی بیت، ب مەرجێ رێککەفتن ل گۆری بەها و بنەمایێن دیمۆکراسیێ و دادپەروەر بیت.
دەربارەی هێرشێن تورکیا ژی، کوبانی دایە زانین، گەر بژاردەیێن تورکیا ژبۆ وان دەستبەرداری یان جینۆساید بن، ئەو دێ گەلێ خوە هەلبژێرن.

بابه‌تێن ب ڤێ مژارێ ڤه‌ گرێدای